(Números) 24:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Tuja Edom aents aidaunashkam depetkatnai. Seír nugkanum ditá shiwaaji batsata nunash depetuk, nugken atankiag dita jukiagtinai. Israel aents aidauk Edom aents aidaun depetuk dita senchijin iwainmamkagtinai.

(Números) 24:18 Iomraidhean Croise

(Génesis) 27:29

¡Kuashat aents aidau aminak takagtamiagtinai, nuigtushkam nugka muunnumia aidaush ima aminak antugtamainak umigtamiagtinai! ¡Ame apu wajasamin, yatsumshakam amina umigtamtinai! ¡Amina pegkegchaunum yumigtamaidauk, ditashkam dutiksaik pegkegchaunum yumigkiam agtinai! ¡Untsu amina pegkegnum yumigtamaidauk, ditashkam dutiksaik pegkegnum yumigkiam agtinai!” tuu yumigjauwai.

(Génesis) 27:40

Amek amina puyaajumjai depetmasam pujakum amina yatsum umigtinaitme, tujash ame senchijinkum nii umiju pujaum agkanmagatnaitme”, tiuwai.

(Génesis) 32:3

Dutika ukuak nuwi juwaki wesa niina yachi Esaú nugka Seír tutai Edom nugkanum awa nuwi pujuttaman, yatsum minawai tusajum ujatjuktajum tusa, niina aentsji chichama etsejin aidaun ishitkauwai.

(Isaías) 63:1

¿Yaita aush edomnumia yaakat múun Boshrá tutaya nuwiya jáanch kapantui egkekbau tumainun shiig pegkejan nugkuaju ishamain mina dusha? Nunak wi depetmaktinun iwainajai, wika senchigtin asan uwemtikagtumainaitjai.

(Amós) 9:11

“Nunú tsawan jegakui, Davita aakji tegaekau ataktu aakmamaina numamtuk, ataktu nii wegantunmaya Israel aents aidaun apuji wajas inamjatnai. Nuadui yaunchuk ayanum iman wajasagtinai.

(Amós) 9:12

Nunikag edomnumia iwaku pujuidauk, tuja tikich aents mina emematjin aidaujai ataktu ashí Israel aents aidaujai awakjattajai”, tusa Tuke Pujuu nii dutikatnun tawai.

(Números) 20:18

Tusa ujaam Edoma apuji ditan ayaak: “¡Mina nugkajua junig makichkish nagkaemakigpa, tuja antutsuk nagkaemakjuminig, mina suntajujai jiintuktatjime atumjai maaniatasan!” tiuwai.

(Números) 24:19

Jacob wegantunmaya makichik senchigtin depetbau atinai, nunú yaakat aidaunum ujumak juwakag pujuidaun amuktinai”, tiuwai.