(Números) 24:17 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁷ Makichik aentsun atushat wainjai. Tuja makichik waji atushat aun wainjai: Duka Jacob wegantunmaya makichik yaya wantinui, nunuwai Israel aents aidaun apujig. Nunú apua duka Moab aents aidaun depetuk amuka, nuigtushkam Set wegantu aidaunash dutiksag amuktinai.

(Números) 24:17 Iomraidhean Croise

(Génesis) 49:10

Makichkish Judá senchijinak atankichagtinai, tuja nii apu wee inabaujinashkam. Untsu niina nagkaesau dekas apu taamtai, nuna ashí aents aidau niina chichamen umijuinak wedau asagmatai ukuktinaitme.

(Salmos) 110:2

Jerusalégnum pujusa inamjati tusa Tuke Pujuu amina umigtamkae. Tuja amina shiwaajum aidaunak nii depeteawai.

(Isaías) 9:7

Nunú uchik apu David inamaajakua nuwi pujus ashí nugkanum inamjatnai. Nuniau asamtai agkan pujuta duka tuke atinai. Tuja nii inabaujig shiig emetjamu atinai, nii inabaujinig shiig takamu, ajantunisa niiniamu atinai. Nunak Tuke Pujuu ashí senchigtina nunú iina anempau asa dutikatnai.”

(Números) 24:16

Wika Apajuí Wakani egkemjutjamtai tikishmaja pujusan, shiig paan wainjai Tuke Pujuu ashí senchigtina nunú nii wakegamujin mina iwaintujak, chichaman etsegkatnun sujawai.

(Evangelio según San Lucas) 1:78

Iina Apajuijiya nu shiig senchi wait anenjamu asa, nayaimpinmaya etsa puwau jiinama nuniktinun awetugmae,

(Carta a los Hebreos) 1:8

Tujash Apajuik niina Uchijin pachisag: “Apajuiyah, ame ekeemsa inamtaigmek ajumaish tuke atinai pegkeg aina duke takau asam.

(Carta a los Hebreos) 7:14

Shiig dekanui, iina Apuji Jesusak Judá weantu aajakui, Moisesak sacerdote aidau takastinjin tiuwa nunak Judá weantunmaya takamainnak makichkish tichauwai.

(Segunda carta de San Pedro) 1:19

Nuigtushkam chicham dekaskea nuna profeta aidau tibauwa nu ajutjamji, nunú emamkesjum dekatajum, dita chichakbauwa duka lámpara ekemakam suwen tsaaptin emama numamtinai, nunin asa Cristo yaya etsawamak tsaaptin wegama imana nu atumi anentaiminish tsaaptin etamtatui.

(Carta de San Judas) 1:11

¡Wait anentuinajai ditanak! wagki Caín wajukauwa numamtuk wajaidau asagmatai, nuigtú Balaam wajukauwa nunisag kuichik jukita tabauwai pegkegchau takaina duwishkam, aantsag Coré ni chicham intimtinig jakauwa nuniktin asagmatai.

(Apocalipsis) 1:7

¡Cristuk yujagminum pachitkau minitnai! Nunitai ashí wainkagtin ainawai nuigtú niina mau aidaushkam wainkagtinai; nunikag ashí aents nugkanmaya aidauk buutiagtinai. Dekaske, aatus atí.

(Apocalipsis) 11:15

Siete angela ju trompeta umpuagmatai, nayaimpinmaya senchi pampajagmayi, nuninak: “Ashí nugkanmaya inamaina duka yamaik iina Apajuijinu nuigtú Cristunu wajasé. Nigki ajumaish tuke inamin atinai”, wajagmayi.

(Apocalipsis) 22:16

“Witjai Jesús, mina angeljun awemamjai ashí ju aidaun iglesia aidaun ujaktinme tusan. Witjai dekas atsamunum nagkamdaunuk David weantuitjai, nuigtushkam yaya tsawak etsantama numamtinaitjai”.

(1 Samuel) 14:38

Dutikam Saúl suntaja apuji aidaun chichajak: “Apajuí mina aigkacha nunash ya pegkegchau takamsamunmak ankae nunú ejetajum”, tiuwai.