(Números) 23:22 - Awajún: Apajuí chichame pegkejam Porciones del Antiguo Testamento y el Nuevo Testamento

²² Nuadui búfalo niina kachujin ayamjumama numamtuk Israel aents aidau ayamjumataijig Apajuí dita Egipto nugkanum batsatun jiijua nunuwai.

(Números) 23:22 Iomraidhean Croise

(Salmos) 22:21

Leónjai betek kajen aina nunú mantuawainum ayamjutkata. ¡Toro kajen kachujin magkagtina iman aina nunú mantuawainum ayamjutkata!

(Éxodo) 12:41

Tuja cuatrocientos treinta mijan jegau ai, nunú tsawantaik Egipto nugkanum batsatu ashí jiinjaju ainawai.

(Éxodo) 14:18

Nuna dutikamtai ¡egiptunmaya aents aidauk dekajuawagtatui dekas wi Apajuí Tuke Pujuu tutayaitag nuna!” tiuwai.

(Éxodo) 20:2

“Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Éxodo) 9:16

Tujash dutikachjime wagki mina senchijun atumin iwaintuka ai, ashí tikich nugkanmaya aidaush dekajuatnume tau asan.

(Números) 22:5

Balac nigki maaniakug Israel aents aidaunak depetmainchau asa, Balaam Beora uchiji yaakat Petor tutainum namak eufratesnum ijus nugka Amav tutainum pujaun untsukui. Balac chichama etsejin aidaun Balaam ujaktajum tusa ishimak, juna aatus akatmamak: “Egiptunmaya aents aidau kaunawag juju nugka junak ashí batsamtukaje, nuninak tikima wi pujamunmash kaunawaje. Imaniku asamtai,

(Números) 24:8

Apajuí Israel aents aidau Egipto nugkanum batsatun jiijua nunuwai búfalo ayamjumatai kachujiya numamtin. Nuadui Israel aents aidauk ditá shiwaaji aidaunash amuktinai. Dutikak nagkí iju mainak, ukunchin kupijagtinai.

(Deuteronomio) 33:17

Tuja Efraín wegantunmayag suntajak shiig kuashat agtinai, tuja Manasésnumiashkam aents maanin aidauk shiig kuashat agtinai. Nunú aina duka toro uchiji yama nagkamchak petsakbau pegkejama iman, búfalo senchigtinama iman agtinai. Iman asag ashí aents tikich nugkanmaya aidaunash, ditá senchijijai depetkatin ainawai”, tiuwai.

(Josué) 2:10

Atum Egipto nugkanum batsatutijum jiinjagmin nayantsa amain katiagtinme tusa Tuke Pujuu nayants kapantun ukuyuauwa nunú iik dekaji. Tuja nuigtushkam atum aidautijum amorreo nugkanmayaapu aidau Sijón, Og aatus Jordágka amain batsatu ashí ijinawaitjum dushakam shiig dekaji.