(Números) 23:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Apajuík aentschauwa nunin asa nigka waitjuchui, tuja chichakbaujinash yapajichui. Nii nuna dutikatjai takug imatiksag uminai, tuja nii anagkagtuamunashkam imatiksag uminai.

(Números) 23:19 Iomraidhean Croise

(Génesis) 26:3

Tuja yamaikik juju nugka juwig pujusta, wi aminak kuitamkattagme. Wi aminak pegkegnum yumigsattagme. Tuja amina uchijum wegantu aidaun ashí juju nugka aina juna susattajai. Wi amina apa Abrahaman anagkuawaitag nunak, nuni umiktatjai.

(Génesis) 28:15

Untsu wi amijaig pujajai. Nuniau asan tuwig wekaetam nuniakminish wi kuitamkattagme, dutikakun awagkin juju nugka juwi itattajame. ¡Makichkish wi amina anagkuajam nunak umitskek idaisashtatjai!” tiuwai.

(2 Reyes) 7:2

Tusa tutai apu atuwe niina ayaak: “¡Tuke Pujuu nayaimpin ujaimtaish ame tame duka makichkish nunimaitsui!” tau. Tutai Eliseo ayaak: “Nuna imatika sumaidauk ameshkam waintkattame. Tujash amek duka makichkish yuwashtatme”, tiuwai.

(Salmos) 110:4

Tuke Pujuu nii umiktinjin yapajinashtinun chichaak: “Ametme sacerdote Melquisedec aajakua nujai betek tuke sacerdote atinmek”, tiuwai.

(Salmos) 89:34

Wi niijai chichaman umikuitag nunak tuke idaisashtinaitjai, nunak tuke umiktinaitjai.

(Salmos) 89:35

Makichik tsawantai wi Davitan anagkuawaitag nunak dekas umiktatjai tusan tumamjai.

(Isaías) 31:2

Tujash Apajuík makichkish tsanushtayai, iman asa suwimkan sukagtinai, tuja nii dutikatjai tibaun yapajiag idaichauwai, betek uminai. Apajuík aents pegkegchaun takau aidaun yayaunak suwimkan susa ijinatnai.

(Isaías) 40:8

Dupag kagaka jininai, tuja yagkugshakam kagaka kakenai. Tujash Apajuí chichameg makichkish megkaekashtinun tuke auwai’.

(Isaías) 46:11

Makichik aentsun tikich nugkanmayan etsa minitaiya nuwiyan untsukmajai, duka tuke chuwagjai betek atushtanmaya minittawai, nigka wi tabaun umiktatui. Tuja wi nuna dutikatin atajai tusan tiuwaitag nunak nii imatiksag umiktatui. Wi dutikatnujun chichaman umikuitag nunak tuke umiktatjai. Nunak dekas uminkatnun tajai.

(Isaías) 55:11

numamtuk mina chichamjushkam wi tibau umintsukek, tuja wi wakegamua nunashkam dutiktsukek wakitkig minaig waatsui.

(Daniel) 4:28

Aatus Daniel apu Nabucodonosoran ujakua duka imanisag ashí uminkauwai.

(Oseas) 11:9

Wika atumnak kajekbautkek suwimkanak amaschagtatjai, Tuja Efraín wegantu aidaunak ataktuk ijinashtinaitjai, wagki wika aentschauwaitjai, wika Apajuíyaitjai. Witjai Tuke Pujuu pegkegmanuk, wika atumjai ijutkau pujajai, wika atumin ijinatasanuk tachmajai.”

(Miqueas) 7:20

¡Iina apachji Abraham, Jacob, nuigtu tikich iina muunji aajaku aidau anagkuawaitam duka, dutiksamek wait aneasam amina anenkagmin tuke kuitamkagtuktin ata!” tiajui.

(Habacuc) 2:3

Nunú ame wainkattam duka juu tamawaikik nagkaemakchattawai, tujash amek waugtutsuk dakasta, nunú nagkaemaktinuk eke tsawan jegatsui. Tujash duka makichkish megkaetsuk tuké uminkattawai”, tujutmayi.

(Malaquías) 3:6

“Witjai Tuke Pujuunuk. Wika yapajintsujai. Nuadui Israel aents aidautigminak ashí ijinachuitjime.

(Números) 14:35

Juju aents pegkegchau aina nunak mina pegkegchau chichagtukaju asagmatai dutikattajai. ¡Nuadui ditak juju uwegshunum yujasag jinawagtatui! ¡Witjai Tuke Pujuunuk, nunak dekas uminkatnun tajai!’ Tusa Apajuí tujamui”, tiuwai Moisés.

(Números) 23:18

Tusa iniam, Balaam Apajuí tibaun etsejak aatus tiuwai: “Balac Sipora uchijiyah, wi amina titatjam nunú shiig antukta.

(Evangelio según San Lucas) 21:33

Nayaimpik nugkajaig megkaejatnai, tujash mina chichamjuk umintsukek juwakchatnai.

(Carta de San Pablo a los Romanos) 11:29

Apajuik anentag sukagtusbaujiya nunak atankagtuchui, antsag midau atinme tusa etejamujiya nunash yapajichui.

(Carta de San Pablo a los Romanos) 9:6

Apajuí tibauwa duka mina pataag dekaskeapi tuinachu asamtai umintsuk juwaktin asagkesh aniatsui, wagki ashí Israel weantu ainag nuiyatik ashí betek etegjachbau ainag dui,

(Segunda carta de San Pablo a Timoteo) 2:13

Betek umichu ainajinish, nigka betek uminai, wagki ni tibaujinak betek umina dui”.

(Carta de San Pablo a Tito) 1:2

Jutii dakamua duka pujut nagkanchauwa nuuwai, nunak Apajuí, waitjuchua nu, nugkanash najantsuk anagtamauwai,

(Carta a los Hebreos) 6:18

Nu jimajan tiuwa nunak yapajimainchau asamtai Apajuik waitjuchua dui, dekas dutikattawapi tau asaja, shiig senchi ichichmamainaji Apajuí ayamjutpasmatai kajinmasa ni anagkagtuamua nu jukittajiapi tusa dakaidau asaja.

(Carta a los Hebreos) 7:21

Tujash Cristuk chicham yapajimainchauwai chichagká tibauwa nunú agagbaunum tawai: “Apu Apajuí nigki adaimas, mina chichamjunak yapajiashtatjai, ametme sacerdote tuke pujutnumek”, tiuwai.

(Carta de San Santiago) 1:17

Ashí pegkeg wainkauch juamu nuigtú ashí don pegkeja duka yakiya taawai, iina Apají nayaimpinmaya etsantin aidaun najankauwa nuiya; nunú aidau yapajinin nuigtú bushapau weena nigka nuninchauwai.

(Carta de San Santiago) 4:5

¿Nuniachkugmesh agagbaunum tawa duka wainkag anentaimtajum: “Apajuí Wakanin amasua nu shiig senchi akastamas wakejutpawai tawa duka?”

(1 Samuel) 15:29

Wagki Apajuí Israel aents aidaun depetmatan suwa duka aents nii chichakbaujin yapajin aina nuninchauwai, nii tibaunak betek uminai”, tiuwai.

(1 Samuel) 3:12

Tuja wi Elí patayi aidaun pachisa timag nunak nunú tsawantin makichkish ewaetsuk umiktatjai.