(Números) 23:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Tusa tamashkam Balac ataktu chichajak: “Wegajai, tikich yantama awi wemi, nunika awi diyam Israel aents aidau ujumak kanaka batsata nunú pegkegchaunum yumigtujata”, tiuwai.

(Números) 23:13 Iomraidhean Croise

(Miqueas) 6:5

Mina aentsug aidauwah, Moab nugkan apuji Balac atumin pegkegchaunum yumigtamjatag tuyi, tujash Balaam mina daajui atumin pegkegnum yumigtamjabia nunú adeagtajum. Tuja nuigtushkam Sitim nugkanum juwaki, Guilgal shimamunmash waji utugchat igkugkabiugme nunú kajimattsuk aneaku atajum. Nuniakjum, dekas Tuke Pujuuwap yaimpakuita titajum”, tiuwai.

(Números) 22:41

Nuna dutika kashinia duwi kashikmas Balac Balaaman juki muja Bamot-baal tutainum wajasa diyam Israel aents aidau batsatbau shiig waindau asamtai, nuna iwaintuktatus weuwai.

(Números) 22:6

wamak taata, nunikam juju aents aidau pegkegchaunum yumigjata, wagki ditak iina nagkaetamsau kuashat, senchigtin ainawai. Ame pegkegchaunum yumigjamin, wi depetkan juju nugka juwi batsata nuna jiijan ishiakchainjash, wagki ame pegkegnum yumigkiamuk tuja pegkegchaunum yumigkiamushkam betek uminna nuna wika dekau asan tajai, tujamui titajum”, tiuwai.

(Números) 23:12

Tusa tama Balaam ayaak: “Wika amejai chichaakun, Tuke Pujuush tunak tujutit nuna wika titatjai timagme”, tiuwai.

(Números) 23:14

Tusa Balac Balaaman juki muja Pisgá nainti Sofim tutainum ejegauwai. Dutika nuwi kuntin maa patasa apeatnun sieteya imajin najana nuwi toro tsakat aidaun, uwig aishmag tsakat aidaujai kajegka maki makichik pataja umikui. Dutikamtai nuna Balaam apeak Apajuín emematiuwai.

(Josué) 24:9

“ ‘Tuja tikich tsawantai Balac Sipora uchiji Moab aents aidau apuji atumjai maaniatatus kautjamkajui. Nunik chichama etsejin aidaun akateg Balaam Beora uchiji ujaktajum, dutikam nii atumin pegkegchaunum yumigtamjatnume tusa tiuwai.