(Números) 21:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Nunik jinuinak Moisésan jegajuawag chichajuinak: “¡Tuke Pujuu chicham patatku, ameshkam chicham patatkau asaja pegkegchau wajasji! ¡Apajuí segata dapi iina waitkagma nuna yaja ishiakti!” tuidau. Tusa tiagtai, Moisés Apajuín segauwai ditan tsagkujati tusa.

(Números) 21:7 Iomraidhean Croise

(Génesis) 20:17

Nuadui Abraham Abimelekan pachis Apajuín tsagkujata tusa segauwai. Tusa tima Apajuí Abimelekan etsagag, niina nuween, nuigtushkam niina inake nuwa aidau, nuwi batsatunak uchi uchigbau atinme tusa ashí etsagakui.

(Génesis) 20:7

Tujash yamaik, anú nuwak awagkim aishi susata, wagki niig mina etsegtugkati tusa etegkamui. Nuniau asa amina pachipas mina segatti jatsuk pujusminum. Untsu awagtutsuk pujakmek duka dekas ashí aents amina jemin batsata nujai jinattagme”, tiuwai.

(Job) 42:10

Job niina kumpaji aidaun pachis Apajuín segauwa duwi pujus, Tuke Pujuu Jopan ataktu yaunchuk aajakua imanuk awajsauwai. Dutikak nuigtushkam yaunchuk niina wajiji aidau ajujakua nuni kuashat ikauntukui.

(Job) 42:8

Tuja atum waitjuaujum nuna tsagkugtugti tujutkugmek, siete toro, nuigtu siete uwig aishmag aidau yajuakjum, mina inakeg Job puja nuwi wetajum, nunikjum atumi tudaujum tsagkugnagtinnum nunú kuntin aidau maajum nuna neje ashí apeatajum. Dutikawagmin mina inakeg Job atumin pachipas mina segattatui. Tusa tujutkui atumek mina inakeg Job dekaskenum chichaka nunitsuk pegkegchau chichaku asajum, suwimak jumain ajuminig tsagkujattajime”, tiuwai.

(Éxodo) 10:17

Tujash wait aneasjum mina tudaujush tsagkugtugtajum nuniakjum segatjitajum atumi Apajuíjum Tuke Pujuu emematin ainajum nunú, dutikam manchi ajaka amuina nunú megkaejati”, tau.

(Éxodo) 32:11

Tusa tima Moisés Apajuí tsagkugti tusa chichajak: “¡Tuke Pujuu mina Apajuíjuh! ¡Imanikmek kajekaipa! Ameku amina senchigmin amina aentsjum aidau Egipto batsatu jiigmayume.

(Éxodo) 32:30

Tuja kashinia duwi Moisés aents aidaun chichajak: “Atumek shiig pegkegchau takasugme. Nuadui wi yamai mujá wetatjai Tuke Pujuu pujamunum, niish tsagkugtamainashit nuna dekaatag tusan”, tiuwai.

(Éxodo) 8:28

Tusa tutai faraón chichaak: “Untsu takugmek uwegshunum wejum Tuke Pujuu atum emematin ainajum nunú kuntin maa apeakjum ememattajum. ¡Nuniakjum mina pachittsagmesh segatjitajum! Tujash shiig atushtak shiyakaigpajum”, tau.

(Éxodo) 8:4

Imaanidau asag amina tuja ame atueka takataijum aina nuna, nuigtu amina aentsjum aina nunashkam ashí takash pemjujag waitkasagtatui’ tita”, tiuwai.

(Éxodo) 8:8

Imanikmatai, faraón Moisésan, Aarógjai untsuka itan chichajak: “Apajuí, Tuke Pujuu tutai, minash segatjitajum, takash mina, nuigtu mina aentsug aidaunash waitkagmaina nuna emegkagti. Dutikamtai wisha niina aentsji aidaunash kuntinu maa apeenak Tuke Pujuun ememattinme tusan idaitustajai”, tiuwai.

(Jeremías) 15:1

Tuke Pujuu chichagtak: “Juju aents aina nunú wait anenjata tusa Moisés, Samueljai segatainakuish, wika juju aents aina nunak wait anenmaitsujai. Jiinag shiyaktinme tujamui tusam ujakta, dutikam jiinag shiyaktinme.

(Jeremías) 37:3

Nuninayatak apu Sedequías Selemíasan uchiji Jucal aajakua nuna sacerdote Sofonías Maaseíasan uchiji aajakua nujai akateg profeta Jeremías ujaktajum tusa ishiakui. Dutika ishimak aatus akatmamjauwai: “Jeremíasah, Tuke Pujuu iina Apajuíjiya nunú ame segatkagtita”, tiuwai.

(Oseas) 5:15

Dutikan ujumak tsawan pachitsuk idaisan dakastinaitjai awake anentaimjatnume tusan, dutika ai, dita pegkegchau takamsamujin anentaimtusag buu buuttajai egatkagtinai, tawai Apajuí tiuwai, Oseas.

(Números) 11:2

Dutikam nuna ishamainak Moisés ayamjutpakti tusag untsuidau. Imatiagtai Moisés ditá pachis Tuke Pujuun segauwai. Dutikam jii kegau kajinkauwai.

(Evangelio según San Mateo) 27:4

—Wika tudau takasjai, pegkegchau takasbaujish atsujaig maatajum tusa sujuku asan, tau. Tama dita aiinak: —¿Iish dusha utugkatjiki? Duka aminuajamah, tiaju.

(Los Hechos de los Apóstoles) 8:24

Tama Simón ayaak: —Atum minash Apu segatjitajum, atum mina tujutjum nunú imanisag nagkaetuki, tiuwai.

(Carta de San Pablo a los Romanos) 10:1

Yatsug aidauh, mina anentaijui wakegag nunak, Israel aidaush uwemjatnume tau asan Apajuinash aujtuinajai.

(Deuteronomio) 9:20

Tuja Aarógnashkam Tuke Pujuu kajejuk maatag takui, wait aneasam maawaipa tusan ayamjukamiajai.

(Carta de San Santiago) 5:16

Nuadui tudaujum aidaush pempeentunisjumek etsegtumaktajum, nunikjum pempeentunisjumek Apajuí aujtunistajum etsagagbau aminjum. Aents pegkejan takauwa nu Apajuí augbau imá senchigtinai nuniau asa kuashat dutikmainai.

(1 Samuel) 15:24

Tusa tima Saúl Samuelan chichajak: “Dekas tame, Tuke Pujuu dutikata tujutbaun kajimatkin pegkegchaun takasjai, tuja ame tujutbaunashkam kajimatkijai. Aents aidaun ishamakun dita segatuinamun umigkajai.

(1 Samuel) 15:30

Tusa tima Saúl ataktu chichaak: “Wika dekas tunamagjai. Nuniku akuish wait aneasam Israel aents aidaun apuji aina nuna emtinig, tuja Israel aents aina nuna emtinchakam eme anenjusam diigsata. Nuadui iijai Guilgalnum wemi, nunika awi Tuke Pujuu amina Apajuíjum emematmi”, tiuwai.