(Números) 20:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ “Ushujutaijum jukim Aarón yaimpasmatai aents aidau ijumjata. Dutika ijumjam ditá emtin kaya chichagkum: Yumi sukagtusta tita. Tusa tamin nunú kayanmaya yumi jiinkittawai, nunikmatai dita umuinak tagkujinash agtinme”, tiuwai.

(Números) 20:8 Iomraidhean Croise

(Génesis) 18:14

¿Apajuí makichik waji tujinka dutiktsuk idaimainush awak? Tikich mijan atata duwi amina ijagsatasan ataktu tajuattajame. Nunú tsawantin Sara uchiji ajittawai”, tiuwai.

(Nehemías) 9:15

Tuja nuigtushkam dita yapajainak waituinakuish, nayaimpinmaya pag susauwaitme, nuna yuwawag ichichmamjatnume tusam. Tuja kitamainakuish uwagtinme tusam, kayanmaya yumi susauwaitme. Nuigtushkam nugkan amastinaitjime tusam anagkuawaitam nunú jukitajum tiuwaitme.

(Salmos) 105:41

Tuja Moisés kayan awatmatai, kayanmaya yumi jiinkibi, nunik entsajai betek wajas uwegshunum akaikibi.

(Salmos) 33:9

Wagki nii niina chichamenig ashí najankauwai. Tuja nii nunikti timauwa duka imanisag makichkish wajukachmin wajas asauwai.

(Éxodo) 14:16

Tuja ¡ame ushujutaijum takakam nunú takuim nayantsanmanini awentata! Dutikawamin nayants jimaituk kanaka ejapeen buku wajastatui, nunikmatai Israel aents aidau bukunum katiagtinme.

(Éxodo) 17:9

Nuniagtai Moisés Josuén chichajak: “¡Aents aidau etegjam Amalec aents aidaujai kashin maaniata! Nuniamin wi mujanum wakan ushujutain Apajuí sujusbauwa nuna takusan pujuttajai”, tiuwai.

(Éxodo) 4:17

Tuja ¡anú ushujutaijum jukim wetá, núnikam aanjai kuashat wainchatai aidau iwainagtatme!” tiuwai.

(Éxodo) 4:2

Tutai Tuke Pujuu niina chichajak: “¿Waji aancha takakme?” tama: “Ushujutaijun takakjai”, tau.

(Éxodo) 4:20

Tusa tima Moisés niina nuwen uchiji aidaujai burronum pekai, Egipto nugkanum wakitkiuwai. Nuniak ushujutaijin Tuke Pujuu, jujai wainchatai aidaush iwainagtatme, tibaun juki weuwai.

(Éxodo) 7:20

Tusa tima Moisés Aarógjai Tuke Pujuu dutikatajum tibaunak imatiksag dutikawajui. Tuja faraón niijai atueka takatai aidaujai wainainamunum Aarón nii ushujutaiyai yumin awatiuwai; dutikam ashí yumi aidauk numpa wajasui.

(Isaías) 43:20

Kuntin ikamia kajen lobo aidau, avestruz aidau aatus shiig anenjusagtinai, wagki wi yumi pukuni jiinun uwegshunum kuashat jiiju asamtai. Tuja nugka ajak tsapachunum entsa aidaun kuashat najankattajai, mina aentsug, wi etegkauwaitag nuna, uwajagtinun.

(Números) 20:11

Tusa Moisés niina ushujutaijin juki kayan jimajá awatiuwai. Dutikam kuashat yumi jiinkiuwai. Nunikmatai Israel aents aidauk nuna umuinak ditá tagkujinash aakajui.

(Números) 20:7

Nunik Moisésan chichajak:

(Evangelio según San Mateo) 21:21

Tiagtai Jesús ayaak: —Dekas tajime, atum dekaskeapi tabau ajutjamkui utujibaush atsugtamkuig, imá higueran jutikag dukek dutikmainchau ainagme, ju muja jukesh: ¡Jui atsuk nayantsanum wajaata! tamak nunimainai.

(Evangelio según San Lucas) 11:13

Atum pegkegchau ainayatkugmesh dekagme uchijum aidau pegkeg wají aidau sutak. Atumkesh nuniagminish ¡wagkag aan nagkaemas atumi Apa nayaimpinum puja dusha Wakaní Pegkeji segamash amaschagti!”, tiuwai.

(Evangelio según San Juan) 16:24

Yamaikish makichkish mina pachittsagmek Apajuk segachugme, tujash yamaik segatajum nuniakjumek jukittagme, nunikjum atumesh shiig aneastatjume.

(Los Hechos de los Apóstoles) 1:14

Ashí nunú aidauk kashí kashinig makichik anentaiyaik ijunas Apajuin aujuinak ijunaidau, Jesusa yachi aidaujai, María Jesusa dukujiya nu, nuigtú tikich nuwa aidaushkam.

(Josué) 6:20

Nuna aatus Josué Israel aents aidaun ujaka inagnakmatai, sacerdote aidau uwija kachujin umpuajajui. Nuna antuinamuik Israel aents suntag aidauk senchi untsumaidau. Imatuinai yaakat peejamu kupinak iyauwai. Nunikmatai pisajug yaaktan utuawajui. Nunikag yaaktan utsantuawag aents aidaun depetuk ijinawag, yaaktanak dita atainiajui.

(Josué) 6:5

Nunú uwija kachuji umpuamun yapajia nuni senchi umpuinakui senchi untsumkatajum. Imatjumin yaakat peejamua nunú kupinak iyattawai. Nunikmatai pisajajum yaakat Jericó utsantuattagme”, tiuwai.

(Apocalipsis) 22:1

Nuniku ai, ángel iwaintugkabi makichik namak pujuta sukagtin tsuwatchau, vidrio saawiya iman, Apajuí ekeemtaijin Uwigjai eketbaunmaya jiintatman.

(Apocalipsis) 22:17

Nuniai Wakan nuigtú, Uwijá nuwega nujai: “Minitá”, tuinawai. Ni antaushkam “Minitá”, titi. Ni kitamauk minití, ni wakegauk yumi pujutan sukagtina nuna anenjauch uwagti.