(Números) 14:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Nuadui Tuke Pujuujaig dekas shiwagmagawaigpa, nuwiya aents aina dusha ishamkaigpajum, wagki ditak jutijaig shiig wainkaush ainawai. Dita yaimainuk shiig atsawai, untsu iinak Tuke Pujuu yaimpawai. ¡Nuniau asamtai ishamkaigpajum!” tiuwai.

(Números) 14:9 Iomraidhean Croise

(Génesis) 48:21

Nuna dutika Israel Josén chichajak: “¡Antukta nijah, wika jakattajai; tujash Apajuí atumjaig pujuttawai! Nuniau asa atumi apachjumi nugkeenig awagtamkiagtinai.

(Nehemías) 4:14

Tusa tai ishamainakui, wi wajantan aents eme anentsa diitai aidaun, apu aidaun, nuigtu ashí tikich aidaujai ijumjan chichagkun: “¡Ishamkaigpa, Apajuí senchigtina nunuwai dekas ishamainuk! ¡Ishamtsuk dekas atum wegantu múun aidau, dita uchiji aidau, nawanji aidau, nuwe aidau, dita jee aidau ayamjakjum maaniatajum!” tusan tiabiajai.

(Salmos) 121:5

Tuke Pujuu aminak kuitamjamui; Tuke Pujuu aminak ejaka kuitamjamui. Niig amina yaimpaktatus amejai ijutkawai.

(Salmos) 14:4

Pegkegchaun takau aina duka anentaimainatsui. Pag yuwa wamak amutiama numamtuk mina aentsug aidaun amuinawai. Nunú aents aidauk Apajuí yainkati tusagkesh makichkish Tuke Pujuunak segachu ainawai.

(Salmos) 46:11

¡Tuke Pujuu ashí senchigtina duka jutijai pujawai! ¡Jacopa Apajuíjiya nunuwai iina kuitamjamnuk!

(Salmos) 46:7

¡Tuke Pujuu ashí senchigtina duka jutijai pujawai! ¡Jacopan Apajuíjiya nunuwai iina kuitamjamin!

(Salmos) 46:8

Tuke Pujuu ishamain wainchatai aidaun juju nugkanum iwainajua nunú taajum diistajum.

(Salmos) 91:1

Apajuí múun, ashí senchigtina nunú kuitamsam pujauk,

(Éxodo) 14:13

Imatiagtai Moisés ditan ayaak: “¡Ishamkagtutsuk anentaim ichichiagtajum! ¡Nuniakjum Tuke Pujuu iina ayamjutpak dutikatta nunú wainkatajum! Yamai atum egiptunmaya aidau wainjum duka ataktu awagkigmek wainkashtinaitjume.

(Éxodo) 33:16

¿Ame uyunkagtushtaish itusag tikich aents aidaush amina aentsjum aina nunash tuja minash dekas Apajuíyap kuitamua tusash tujamtinme? Ame uyunkagtau asamin, tikich aents aidau diismash dita nagkaesau agtatji”, tiuwai.

(Isaías) 1:2

Dutikam nuna Isaías etsejak: Nayaim, nugka aidautigmesh Tuke Pujuu tawa nunú antuktajum. Apajuí chichaak: “Wi Israel aents aidaunak mina uchig asagmatai, kuitamkan tsakapakan idaisauwaitjai. Dutikamaitak mina umigtutsuk wijai shiwagmagawaje.

(Isaías) 32:2

Aents aidauk shiwag jeteamash, tuja utugchatnum jegainakush, tuja pegkegchau takainak waitkainamash, nunú apu aidau shiig takaidau asagmatai, ditai yunumak ayamjumaktin ainawai.

(Isaías) 41:10

Ishamkagtukaigpa, wi atumjaig pujajai. Ishamkagtukaigpa, witjai atumi Apajuíjinuk. Wi atumnak senchimtikajime, wi atumnak yayajime, mina uweg senchigtin depetmauwa duwi ayamjukan kuitamjime.

(Isaías) 41:14

Tuja Apajuí ataktu awagki chichaak: “Jacob wegantu Israel aents aidautigmek, piipich kakakchau ainakjumesh, ishamkagtukaigpa, wi atumnak yayajime. Witjai Israel aents aidau Apajuíji pegkegmanuk, wi atumnak agkanmitkauwaitjime.

(Isaías) 63:10

Imatika yayamash Israel aents aidauk intimjuinak, Apajuí pegkegman ikajejaku ainawai. Nuadui ditan pempeentuki shiwaajui itugmaina numamtuk ditajai maaniauwai.

(Jeremías) 1:19

Jetepakagtatui, tujash depetamkachagtinai, wagki wi amina kuitamkatasan, amejai pujau asamtai. Witjai Tuke Pujuu ashí senchigtinnuk, junak dekas uminkatnun tajai”, tiuwai.

(Daniel) 9:5

dekas pegkegchauwap takasji tajai. Ii aidautik aminig pegkegkesh iwainmamtsuji. Ame atsakmin wajukmaina numamtuk batsatu asa, ame umigtash kajimatki idaisa wainka yujaji.

(Daniel) 9:9

Iik ame intimjaku chichamjumik umikchaji. Tujash amek tuke wait anenkagtinaitam duwi tsagkugkagtumainaitme.

(Números) 13:30

Nuna antukag Israel aents aidau Moisésjai ijunag batsamas pampaidaun Caleb antuk itatmikak chichajak: “¡Tutsuk dekas shiyakagmi, nunika maania depetmaka nunú nugka ii jukimi! ¡Dekas iik depetmaktatji!” tau.

(Números) 20:2

Tuja nuwi yumi umumain atsau asamtai, Moisésan jiyakagtatus aents aidau ashí ijunjajui.

(Números) 24:8

Apajuí Israel aents aidau Egipto nugkanum batsatun jiijua nunuwai búfalo ayamjumatai kachujiya numamtin. Nuadui Israel aents aidauk ditá shiwaaji aidaunash amuktinai. Dutikak nagkí iju mainak, ukunchin kupijagtinai.

(Evangelio según San Mateo) 1:23

“Ejapjuktinai makichik muntsujut aentsú takashtai, nunik uchigmaktinai aishmagkun, nunikmatai Emanuel adaikagtinai”, nunak: “Apajuik jutiijai awai” taku tawai.

(Carta de San Pablo a los Romanos) 8:31

¿Nuna tajim nuanuish tu tumainaita? Apajuí iina wait anenjama nu jutiijai awa nuniaish, ¿ya pegkegchaush awajtamainaita?

(Deuteronomio) 31:6

Mijamtsuk wajiu wajastajum. Atumi shiwaajum aina nujai maaniakjumesh ishamkagtukaigpa, wagki Tuke Pujuu atumi Apajuíjum atumnak kuitamjamui, nuniau asa ima atumnakek kajimatjamkig idaitamsashtatui”, tiuwai.

(Deuteronomio) 31:8

Tuke Pujuu aminak uyuuntamak, nigki kuitamjamkattawai. Nuniau asa ima aminakek kajimatjamkig idaitamsashtatui. Nuadui amek ishamkagtukaipa tuja sapigmatash sapigmakaipa”, tiuwai.

(Deuteronomio) 32:42

Dutikan kuashat aentsun ijinkun mina puyagjunak numpeagtatjai. ¡Makichkish uwemjachagtatui! ¡Shiwag ijinku nuna apuji aidau achija yajuakbau aina nunashkam ashí ijinattajai!

(Deuteronomio) 7:18

¡Tujash ishamkaigpajum! Tuke Pujuu atumi Apajuíjum faraógkan egiptunmaya aents aidaujai itujuk ijinauwaita nunú adeagtajum.

(Deuteronomio) 7:21

Nuadui nunú aents aina duka ishamkaigpajum. Atumnak Tuke Pujuu atumi Apajuíjum senchigtina nunú uyuntamjume.

(Deuteronomio) 9:7

“Uwegshunum batsamsajum Tuke Pujuu atumi Apajuíjiya nuna chichame intimjukiu ainajum nunú kajimatkitin aigpajum. Atumek Egipto nugkanum batsatutigmin Tuke Pujuu jiipajajua duwi nagkamsajum yamaishkam tuke intimjakjum ikaje yujagme.

(Carta de San Pablo a los Filipenses) 1:27

Ayatak, atumi pujutjuminish yamajam chicham Cristunu tawa nunisjumek pujustajum, wi atumin wainkatasan taaknush, tuja atumjai pujachkunush ditak ebetmamjag makichik anentaiyaik shiig ijuntsag yamajam chicham dekaskeapi tabauwa nuna etsejuinak kakantuinawai tabaun antuktajai;

(Josué) 1:5

Aminak makichkish depetamkashtin ainawai. Moisésan kuitamajakuitag dutiksanuk wi aminak kajimatki idaitsuk tuke kuitamkattagme.