(Números) 14:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ ¡Tuke Pujuu imajuig itagmamainchaunas itagmayatai! ¡Ii aidautik iina shiwaajijai maaniawaja jinawagtatji! Tuja shiwag aidau iina nuwe aidaun, iina uchiji aidaujai achija yajuakagtatui. ¡Dekas Egipto nugkanum atak waketmainus aniagtai!” wajaidau.

(Números) 14:3 Iomraidhean Croise

(Nehemías) 9:17

Nunidau asag amina chichamjum umitan dakitjag, ame dita yayaakum wainchatai ishamain aidau iwainajuitam nunashkam kajimatkiajui. Nunidau asag amina chichama intimjutpakiag, tikich apun adaikajabi ataktu Egipto nugkanum awagtamki waitkam batsabiag nuwig ejetamatnume tusag. Tujash amek tsagkugkagtin, anejatin, wait anenkagtin, nuigtush kakajus kajechuitam duwi kajimatkimek idaisachuitme.

(Éxodo) 16:3

Tusa chichainak: “¡Atumek nujantai jinatnume tusajum juju muja juwi itajatuaugme! ¡Awi batsamsaik waitiakuish, neje ollanum bete painka inagkamu shiig yuwa ejemaja pujuyaji, dekas Egipto nugkanum pujajinig Tuke Pujuu ijipati tumainus tichayagtai!” wajaidau.

(Éxodo) 5:21

Nunik ditan chichajuinak: “Atumi utugchatjin ii waitiag duwi Tuke Pujuu atumnak suwimkan amastinme. Atumi tuu wekaetin faraón niina atueka takatai aidaujai shiig kajegtamkaje. Atumek tuke aneasjum egiptunmaya aidau wai waitkainakua ijinatnume tusajum jutikagtagme”, tuidau.

(Números) 11:20

Ditak makichik nantu nejenak yuu batsamiagtatui, imatika yuu batsatu asag yawetug tsumiagtatui, wagki wi kuitamsam yujayatak dakitjujag mina emtijui buu buuttajai chichainak: ‘Egipto nugkanum batsatuti jiinjauwaitag duwi nagkamsa yaunchuk Egipto batsamsa waitin aayag nuni senchi waitiaji’ wajaidau asagmatai”, tiuwai.

(Números) 20:3

Nunik ijunag Moisésan Aarógjai chichajuinak: “¡Tuke Pujuu tikich Israel aents aidaun ijinawabia nunú nugkanmak iinash ijipamainnas aikagmayatai!

(Números) 21:5

Nuadui Apajuín Moisésjai chichaman patatuinak: “¿Wajukatnume tusagmea Egipto nugkanum batsatjinish jiijatkimiugme? ¿Imajui uwegshunum jinaati tusagmek jiijatkimiujum? Yumi umumainush atsawai, tuja yumainush shiig atsugtamji. ¡Tuja nuigtush yutai junin yuwi yuwinakua yawetkaji!” tuidau.

(Los Hechos de los Apóstoles) 7:39

“Tujash iina muunji aajakajua duka dakituidau asag umijujakchajui, ayatak Egipto waketjagtatus anentaimajakajui.