(Números) 14:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Nunik Moisésan chichajak: “¿Juju aents aina dusha wajupa kuashta intimjutush yujagtatua? Waji wainchatai aidaun kuashat wi iwaintukajan kuitamka emamash juju aents aina duka dekaskeapi tujutuinatsui.

(Números) 14:11 Iomraidhean Croise

(Salmos) 95:8

“Yaunchuk Meribánum, tuja uwejush Masánmashkam Apajuí chichamen intimjukiu aina numamtuk wajakaigpajum.

(Éxodo) 10:3

Tusa tima Moisés Aarógjai faraógka jegajuawag chichajuinak: “Tuke Pujuu Apajuí, Hebreo aents aidauti emematin ainag nunú aatus tawai: ‘¿Wajupa asamea emematjum idaikumesh wi tabaush umiktatme? Idaisata mina aentsug aidau, jiinjag mina emematjitnume.

(Éxodo) 16:28

Nuniagtai Tuke Pujuu Moisésan chichajak: “Wi atumi jintinkun, juju umiktajum timajim dusha ¿wajupa chichagkama atumesh umiktatjume?

(Éxodo) 32:9

Tusa Tuke Pujuu ataktu Moisésan chichajak: “Wi ditanak diyakjai, nuniau asan dekajai ditak dekas shiig antakchau ainawai.

(Proverbios) 1:22

“Datsauch imanis jintiag anentaimchau aidauwah, atumesh ¿wajutiya dushikagtutash, kajegkagtutash idaisattagme? Tuja unuimat dakitajum dusha ¿wajutiya idaisattagme? ¿Wajutiya unuimagtatjume?

(Números) 14:23

Tuja wi ditá muunji aajaku aina nuna nugka amastajime tusan anagkuawaitag nunak ditak wainkachagtatui. Mina dakitjujaju aina dushakam makichkish nunú nugkanak wainkachagtinai.

(Números) 14:27

“Israel aents aidau pegkegchau asag, wainak chichá yuja nunash ¿wajupa kuashtak tsagkujatja? Dita mina pegkegchau chichagtuinamun antukjai.

(Evangelio según San Mateo) 17:17

Tutai Jesús ayaak: —¡Aents dekaskeapi tuchau pegkegchau aidauwah! ¿Wajupá dukapea atumjaish pujumainaitja? ¿Wajupak katsunjatjime? Jui uchi itantá, tiuwai.

(Evangelio según San Marcos) 9:19

Tutai Jesús ayaak: —¡Aents dekaskeapi tuchau aidauwah! ¿Wajupá dukapea atumjaish pujumainaitja? ¿wajupá dukapek dakastajime minak dekaskeapi tujuttinme tusanush? Jui uchi itantá, tiuwai.

(Evangelio según San Juan) 10:38

Mina dekaskeapi tujutchakjumesh, wi takaag nu diisjum dekaskeapi titajum, nuniakjum minai Apag ai, wi Apajuí aja dushakam dekaatajum.

(Evangelio según San Juan) 12:37

Tujash aents dutikmainchaun kuashat ditá eemtin iwainataish Jesusnak dekaskeapi tuinachu;

(Evangelio según San Juan) 15:24

Wi dita aina nui tikichish dutikchatain takaschau ataik, bakumamainchau ainawai; tujash wi iwainaja takaamun waituinayatak ayatak kajegtuinak, mina Apagnashkam kajejuidau asag bakumagtinai.

(Carta a los Hebreos) 3:16

¿Ya Apajuí chichaamun antukaju ainayatkush intimjukiaju ainawa? Duka ashí aents Egipto batsatun Moisés jiijá agkanmitkakua nunú nunikajui.

(Carta a los Hebreos) 3:18

¿Ya aidauna Apajuish chicham yapajimainchauwaish: Wi ayamsatajum taja nuig wayashtatjume, tiuwaita? Nunak aents chichaman intimkiajua nuna tiuwai.

(Carta a los Hebreos) 3:8

anentaimin utujimka juwakaigpajum. Aents intimkiu aidau Apajuin uwegshunum dekapsajua numamtukek.