(Números) 13:29 - Awajún: Apajuí chichame pegkejam Porciones del Antiguo Testamento y el Nuevo Testamento

²⁹ Untsu Néguev nugkanum Amalec aents aidau batsaamae. Tuja hitita aents aidau, Jebús aents aidau, amorreo aents aidau mujanum batsaamae. Untsu nayantsanmanini, tuja namak Jordágnum canaágnumia aents aidau batsaamae”, tuidau.

(Números) 13:29 Iomraidhean Croise

(Génesis) 14:7

Nuwiya apu Quedorlaómer nii ijunja yujamujijai waketak, yaakat En-mispat tutai Cades tuuta awagmatia nuwi jegawajui. Nunik nuwi juwakiag wenak Amalec aents aidau batsamtainian, amorreo aents aidau batsamtainian, tuja Hasesón-tamar tawa nuna batsamtaijinianashkam ashí dita wainbaunak tsaikajui.

(Nehemías) 9:8

Dutikam ima aminig kajinas anentaimu wainu asam, niijai ame chicham umiakum: Canaágnumia aents aidaun nugke, hitita aents aidaun nugke, amorreo aents aidaun nugke, ferezeo aents aidaun nugke, Jebús aents aidaun nugke, gergeseo aents aidaun nugke aatus aina nuna ame wegantu aidaun susatnaitjai tusam, anagkuawaitam duka betek umikuitme.

(Éxodo) 3:17

Nuadui Egipto nugkanum waitkam batsata nunak ankanmitkattajai dutikan Canaán aents, hitita aents, amorreo aents, ferezeo aents, Jebús aents, heveo aents aina nuna nugke nugka pegkeg ajak shiig tsapau, tagkush shiig muumpau, yumishkam imanisag ayá nuwi yajuakan ejegattajai tujamui’, titatme.

(Éxodo) 3:8

Nuadui egiptunmaya aents aidau waitkaina nuna uwemtikatasan juwi taajai. Wi ditanak jiija yajuakan nugka múun pegkeg ajak shiig tsapau, tagkush shiig muumpau, yumi aidaush ayaunum ejegawagtatjai. Nunú nugka duka Canaán aents, hitita aents, amorreo aents, ferezeo aents, heveo aents, Jebús aents aidaun batsamtai ainawai.

(Números) 13:30

Nuna antukag Israel aents aidau Moisésjai ijunag batsamas pampaidaun Caleb antuk itatmikak chichajak: “¡Tutsuk dekas shiyakagmi, nunika maania depetmaka nunú nugka ii jukimi! ¡Dekas iik depetmaktatji!” tau.

(Números) 14:25

Tuja Amalec aents aidauk canaágnumia aents aidaujai nugka pakanum batsatui. Nuadui atumek kashin kashikmasjum uwejush atum kaunamua nuni waketjajum nayants kapantu tutaya aatsajum shiyaktajum”, tiuwai.

(Números) 14:43

Atum weajum nuwi Amalec aents aidau, canaágnumia aents aidaujai dakagmainawai atumin amupakagtatus. Tuke Pujuuk atum idaisamu asa yamaik atumnak uyuuntamainatsui”, tiuwai.

(Números) 14:45

Nunik jiinag shimittaman nunú nugkanum batsamin Amalec aents aidau canaágnumia aents aidaujai jiintujag pataetukag Hormá nugkanum amainagkag nuwi Israel aents aidaun depetuk amukajui.

(Números) 24:20

Nuna tusa Balaam Amalec aents aidau nugken ayampa wajas chichaak: “Amalec aents aidauk senchigtin ajantusa diitai ainawai. Tujash ashí tsaika emegkam atinai”, tiuwai.

(Deuteronomio) 7:1

“Tuke Pujuu atumi Apajuíjum, atum batsamsatnun nugka amastata nuwi ejetamawagtatui. Dutijama nuwiya aents aidau siete nugka múun aidaunmaya maki makichik chichamtin, atumi nagkaetamsau senchigtin, shiig kuashat batsamin: hitita aents aidau, gergeseo aents aidau, amorreo aents aidau, cananeo aents aidau, ferezeo aents aidau, heveo aents aidau, Jebús aents aidau batsata nunak atumesh wainjumin Tuke Pujuu jiija utsagtatui.

(Josué) 10:5

Tusa tiajam cinco apu amorreo aents aidaun apuji aidau: Yaakat Jerusalégnumia, Hebrógnumia, Jarmutnumia, Laquishnumia, Eglógnumia aatus ijunag dita suntaji aidaujai Gabaón jetekmi tusag shiyakajui.

(Josué) 10:6

Nuna Gabaón aents aidau dekawag ditashkam Josué Guilgal pujaun chichaman akuptuinak aatus tiajui: “Ii atumjai chicham umiaku: ‘atumi inake agmi’, timaiji. Nuniau asamtai atum jutiik ayamkagtumainaitjume. Nuadui amina suntajum aidaujai kaunajum ayamkagtuktajum, wagki amorreo aents aina nuna apuji aidau mujanum batsamin aina duka ashí ijunjaje jetepakagtatus”, tiuwai.

(Josué) 3:10

Apajuí Tuke Pujuu tutaya nunú iina kuitamjamsamtai shimag duka, hitita aents aidau, heveo aents aidau, ferezeo aents aidau, gergeseo aents aidau, amorreo aents aidau, Jebús aents aidau aatus, Canaán nugkanum batsamin aina nunú ii shimaku Apajuí senchijin depetka ijina wetatag duwi dekattaji.

(Josué) 5:1

Israel aents aidau katiagtinme tusa Tuke Pujuu namak Jordágkan ukuyua buku awajsae tabaun amorreo aents aidaun apuji aidau Jordágka amain etsa akaetaiya nuni batsamin aidau dekawajui. Tuja canaágnumia aents aidaun apuji aidau nayants Mediterraneonum batsamin aidaushkam dekawajui. Nunikag senchi ishamkag Israel aents aidaujaig kakaja maaniachmin dekapedau.

(Jueces) 6:3

Nunik batsatai Madián aents aidau, Amalec aents aidau, nuigtu aents etsa minitaiya nuni batsamin aidau aatus Israel aents aidau ajajin utsantuawag kasajuidau.

(1 Samuel) 14:48

Niina suntaji aidaujai ijunag maania Amalec aents aidaun depetuk ijinauwai. Dutika Israel aents aidaun kasajuinak waitkaidaun agkanmitkauwai.

(1 Samuel) 7:14

Nuadui Israel aentsu nugken filisteo aidau Ecrógnum nagkama Gatan nugke aajakua aatus jujukiu aina duka ataktu ditá nugke wajasui. Aatus Israel aents aidauk, filisteo aidau ditá nugken jujukiu aina nunak ataktu awagkiajui. Nuadui ditak amorreo aents aidaujaig maanitsuk agkan batsamajaku ainawai.