(Números) 11:25 - Awajún: Apajuí chichame pegkejam Porciones del Antiguo Testamento y el Nuevo Testamento

²⁵ Dutika ijumjamtai Tuke Pujuu yujagminum pachitkau akaiki Moisésjai chichasui. Nunik duwi Wakani Pegkeji Moisésai aun ujumak juki, setenta aents Israel aentsu apuji múun aidaun tinamkauwai. Dutikam Apajuí Wakani ditai pujugsam profetajai betek chichatan nagkamawajui. Tujash duka makichkia nunik nagkaemakiuwai ataktuk nunikchauwai.

(Números) 11:25 Iomraidhean Croise

(2 Reyes) 2:15

Tuja profeta aidau nuwi ijunas dii ijunuk, Eliseo dutikaun wainak chichainak: “¡Apajuí Wakani Elíasai pujumia nunú yamai Eliseowai pujawai!” tusag niina igkugtatus wejiajui. Nunik jegantag,

(Nehemías) 9:20

Nuigtushkam Wakani Pegkeji ditan jintintuatin susabiume, tuja dita yapajak yuwawagtin nayaimpinmaya yutai maná akaketkabiume, tuja kitamainakuishkam dita uwagtinuk sumayume.

(Éxodo) 32:32

¡Wait aneasam ditá tudauji tsagkujata! tusan wi segajame. Tuja tsagkugmaichakmek, mina daag amina aentsjum aidaun daaji agatkamua nuwi agatjujuitam duka esakatjugta”, tiuwai.

(Éxodo) 34:5

Nunikmatai Tuke Pujuu yujagminum pachitkau akaikiuwai, nunik nuwi Moisésjai pujus niina daajin Tuke Pujuu tutaiya nuna ujakui.

(Éxodo) 40:38

Tuja aak pegkejam carpa aakmakbaun yujagkim tsawai tuke ijia aajakua nunú, kashishkam keejakua duka, Israel aents aidau shimamunmak nunisag au asamtai, dita nuna shiig wainajaku ainawai.

(Isaías) 63:11

Imanik waituinak yaunchuk Moisés dita apachji aajaku aidaun jiija yajuak uwemtikjauwa nuna anentaimtus chichainak: ‘Moisés Israel aents aidaun apuji aajakua nunú piipich asamtai, namak Nilonum ajugkam jakeaun jiikiuwa dusha Apajuísh ¿tuwi pujawa? Tuja Moisésai Niina Wakani pegkegman apusauwa dusha Apajuísh ¿tuwi pujawa?

(Números) 11:17

Nuwi wi taan amejai chichastajai, nuniakun mina Wakanig aminí awa nuna Israel aents aidaun apuji aidaunash susatjai, dutikam dita aents aidau kuitabaunum yaimpaktinme. Nuadui amekek waittsashtatme.

(Números) 12:5

Nunikagmatai Tuke Pujuu yujagminum pachitkau akaiki aaka waitijin wajanta Aarógkan Maríajai untsukui. Tusa untsuam ditashkam jegantajui,

(Números) 24:2

Nuniak Israel aents aidau maki makichik wegantu doce aajakua nunú batsatun diittaman Apajuí Wakani ekemtujui.

(Números) 27:18

Tusa tutai Tuke Pujuu Moisésan ayaak: “Josué Nun tutain uchijiya nunuwai wi etegkamu, wajiu, mina umigtau. Nunú untsuka jukim amina uwegmin niina buuken achikta.

(Los Hechos de los Apóstoles) 11:28

nuanuiya makichik Agabo daagtin wajakí, Wakan dekamtikam: “Senchi yapajut ashí nugkanum Roma apuji inama nui tepeattawai”, tusa etseju, duka Apu Claudio inamak pujai nagkaemakiuwai.

(Primera carta de San Pablo a los Corintios) 14:32

Apajuí tabaun etsegkatin don ajuina duka, wajutí tumainaita tuja wajutiya tumainchauwaita nunak dita dekamain ainawai.

(Carta de San Santiago) 1:17

Ashí pegkeg wainkauch juamu nuigtú ashí don pegkeja duka yakiya taawai, iina Apají nayaimpinmaya etsantin aidaun najankauwa nuiya; nunú aidau yapajinin nuigtú bushapau weena nigka nuninchauwai.

(Segunda carta de San Pedro) 1:21

nu atak uminkatin tibauwa duka, makichkish aents wakegak tibau ainatsui, duka aents pegkejam Apajuinu aajakajua nuna, Wakaní Pegkejiya nu ujaam tiaju ainawai.

(1 Samuel) 10:10

Nunik Saúl niina inakejai yaakat Guibeá jegawajui. Nunik jegattaman profeta aidau untsumkiag jiinjajui Saúlan igkuinak. Nuninai Apajuí Wakani Saúlan egkemtujui. Dutikam niishkam profeta aidaujai betek wajasui.