(Números) 11:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Makichik tsawantai Israel aents aidau senchi waituinak, Tuke Pujuun pegkegchaun chichajuidau. Nuna Tuke Pujuu antuk senchi kajeka ditan ijinatatus jii kegaun dita batsatbaun tentea ajunjauwai.

(Números) 11:1 Iomraidhean Croise

(Génesis) 38:10

Nunittaman Apajuí wainak shiig pegkegchau diisui, dutikau asa niinashkam dutiksag wamak pujutin jujukiuwai.

(2 Samuel) 11:27

Nunik buutak wake besemag pujamujin nagkaankamtai, David niina untsukui. Dutika utsagkam jegamtai, David nii pujusa inamtaijin awayauwai. Dutika nii nuwatkauwai. Dutikam pujus makichik Davita uchijin uchigmakui. Tujash David dutikauwa duka Tuke Pujuunak shiig awagmakchauwai.

(Job) 1:16

Tusa eke etsejak wajaig, tikich inak tupikaki taa chichaak: “Chaajip iyaak uwija kuitamin aidaun uwigjai ijiname. Dutikamtai ima wiki uwemjan amina ujaktasan tupikaki taajai”, tau.

(Éxodo) 16:7

Atum chicham patatjum nuna antugtamkaje. Nuadui kashin kashikmas niina imanjin iwaintugmaktata nunú wainkattagme. ¿Wagka atumesh jutiish augmatkagtagme? ¿Iikaitag atum atsumamu sumainti?”

(Éxodo) 16:9

Nuna tusa Moisés Aarógkan chichajak: “¡Israel aents aidau ashí ujakta Tuke Pujuu emtin ijunjatnume! Nunikag antuktinme dita chichaman pataina duwish, Tuke Pujuush wajintig”, tiuwai.

(Isaías) 33:14

Aents pegkegchau aidau Jerusalégnum batsata duka sapijin kujainawai, tuja aents Apajuín umigchau aina dushakam sapigmainawai. Nuninak: “¿Ii ainag nuwiyash yaki jii kajinchau tuke kee auwa ibaunmash pujusainta?”

(Levítico) 10:2

Dutikiagtai chicham umiktin agagbau Apajuínu egketunmaya jii keeka jiinak apeam mai jakajui.

(Habacuc) 3:5

Nii minitaik kuashat aents aidau jata ishamainun achiimakag jinuinawai. Tuja niina ukuujin tsuwemu ishamain minawai.

(Números) 10:33

Aatus muja Sinaínmaya juwakiag kampatum tsawan jegawajui. Nunik shimak chicham umiktin agagbau egketun arcan Leví wegantu aidau yanaki jukiag eemak wedau, tuwig yujagkim jasa asat, nuwi ayamsagtin asag.

(Números) 11:18

Tuja aents aidau ujakta kashin nejen yuwawagtatui, nuniktin asag yamai ditá pegkegchaujin iwagmamkatnume. Dita buu buuttajai chichainak: ¡Nejesh akuig yumainaitji! ¡Egipto nugkanum ima shiig pujuyaji! wajainawai. “Imatuidau asagmatai, nejen yuwatnume tusan kashin susagtatjai.

(Números) 12:2

Dutikainak: “¡Tuke Pujuuk ima Moisésjaigkik chichatsui, auk jutijaishkam chichawai!” tuidau. Tusa tiagtatman Tuke Pujuu antugkauwai.

(Números) 14:2

Nunikag ashí dita aidau Moisésan Aarógjai chichaman patatuinak: “¡Egipto nugkanum batsamsa jinumainus imajui uwegshunum yujasa jinaatin asa jiinjayagtai!

(Números) 14:22

Wagki wi mina imanjui wainchatai ishamain aidaun Egipto nugkanum tuja uwegshunmashkam iwainamun wainkau ainayatak, dekapjustasag mina umigtutan dakitjau aina nuadui.

(Números) 14:27

“Israel aents aidau pegkegchau asag, wainak chichá yuja nunash ¿wajupa kuashtak tsagkujatja? Dita mina pegkegchau chichagtuinamun antukjai.

(Números) 14:28

Nuniku asan wi yamai atumin titatjim nunú ujaktajum: ‘Atum aidautijum chichamugmin antugkajim duka nunisag uminkati, junak dekas uminkatnun Wi Tuke Pujuun tajai.

(Números) 21:5

Nuadui Apajuín Moisésjai chichaman patatuinak: “¿Wajukatnume tusagmea Egipto nugkanum batsatjinish jiijatkimiugme? ¿Imajui uwegshunum jinaati tusagmek jiijatkimiujum? Yumi umumainush atsawai, tuja yumainush shiig atsugtamji. ¡Tuja nuigtush yutai junin yuwi yuwinakua yawetkaji!” tuidau.

(Primera carta de San Pablo a los Corintios) 10:10

Apajuish pegkegchau chichajigpajum. Ujumak aents Apajuí pegkegchau chichajú yujakmá Apajuí awemamu nayaimpinmaya aents ijinam asajui.

(Deuteronomio) 32:22

Mina kajetjua duka jiijai betek kegawai. Iman asa ashí nugka najatamunum kegak nugkanak ajak aidaujai apea emegkaktatui. Nuniak muja aidaunmashkam keettawai.

(Deuteronomio) 9:22

“Tuja nuigtushkam Taberá nugka, Masá nugka, Quibrot-hataavá nugka aina nuwi pujusjumeshkam pegkegchau takakjum Tuke Pujuu ikajkauwaitjume.

(Carta a los Hebreos) 12:29

Wagki iina Apajuijiya duka jiijai betek asa, jii apea emegkauwama imanai.

(Carta de San Santiago) 5:4

Aents aidau ajaka juwinak atumi ajagmin takasú aidau akikchamu untsumainawai, atum tsanujá akitsuk idaisamu asag; nunú juukaju aidau untsumaina nuna Apu ashí senchigtina nu antawai.

(Carta de San Judas) 1:16

Ditak chichaman patá yujau, augmatkagtin, dita wakegamujinak takaa yujajin, ememas chichá yujau, tikich aentsnash imanchau aig igkuawag, amek dekas pegkejaitme tusa anentai egketuawag niinun jujukiagtatus aujú yujajin ainawai.