(Números) 10:33 - Awajún: Apajuí chichame pegkejam Porciones del Antiguo Testamento y el Nuevo Testamento

³³ Aatus muja Sinaínmaya juwakiag kampatum tsawan jegawajui. Nunik shimak chicham umiktin agagbau egketun arcan Leví wegantu aidau yanaki jukiag eemak wedau, tuwig yujagkim jasa asat, nuwi ayamsagtin asag.

(Números) 10:33 Iomraidhean Croise

(Salmos) 95:11

Nuadui kajekan, chicham yapajiashtinun chichaakun: ‘Dita shiig batsamsatnun nugka pegkejan wi ditan anagkuawaitag nuwig ditak jegashtin atinme’ tiabiajai”, tiuwai Apajuí.

(Éxodo) 19:3

Nuwi pujus Moisés Apajuíjai chichastatus mujanum wakauwai. Nunikmatai Tuke Pujuu nunú mujanmaya Moisésan untsuka chichajak: “Jacob tikich daaji Israel aajakua nuna uchiji wegantu Israel aents aina nunú ujakta:

(Éxodo) 3:1

Moisésak niina wegaji sacerdote Madián nugkanmaya Jetro aajakua nuna uwigjin kuitamjin aajakui. Tuja makichik tsawantai Moisés uwijan yajuak uwegshun nagkaiki weuwai, nunik muja Horeb Apajuí mujaji tutainum wakauwai.

(Isaías) 28:12

Yaunchuk Apajuí chichagtamainak: “Juwig utugchatak atsawai, juwi ayamainaitjume, aents pimpikiuk ayamsati”, tusa tujabiuwai. Tujash atumek tusa tujamaig antugkachuitjume.

(Isaías) 66:1

Tuke Pujuu chichaak: “Nayaimpik mina ekemsa inamtaijui. Untsu nugka nunuwai wi najamsa eketbau. Atumek wi ayamsatnuk mina jegajuk jegamjutmaitsugme, tuja nunú jegamainchakam nugka etegkamuk atsawai.

(Jeremías) 31:2

Tuke Pujuu chichaak: “Israel aents aidau uwegshunum yujayanum nunak wi wait anenjan yaigkuitjai. Tuja maaniamunum jinachu aina nunashkam wi ayamtiksauwaitjai.

(Jeremías) 6:16

Apajuí niina aentsji aidaun chichajak: “Jintanum wajasjum diistajum, yaunchuk jinta pegkeg aajakua dusha tuki ayi tusajum inimsatajum. Jinta pegkeja nunú ainkujum ayamat igkugtatjume”, tujamui. Tujash dita chichainak: “Atsa, iik nii tawa nunú umigtak dakitaji”, tuinawai.

(Números) 10:12

Nunikmatai Israel aents aidau muja Sinaínum batsatu jiinag shiyakajui. Nunik shimui shimuinakua Parán nugkanum yujagkim jasa asamtai nuwi batsamsajui.

(Deuteronomio) 31:26

“Juju chicham umiktin agagbauwa nunú jukijum Apajuí chichaman atumjai umikua nunú agagbau egkeamu arca puja nuwi ayauntsa apusatajum. Juju agagbauwa nunú atum Tuke Pujuu atumi Apajuíjum umigchakjum waittsatnaitjum nuna anemtijamjatnai.

(Deuteronomio) 9:9

Tuja chicham umiktin agagbaun jukitasan wi mujá weamiajai. Nunikan yujumka yutsuk, umutnash umutsuk cuarenta tsawan nuigtu cuarenta kashi pujuyajai.

(Carta a los Hebreos) 13:20

Apajuí shiig agkan pujutan sukagtina nu, iina Apuji Jesús aents uwigjin shiig kuitamna imana nu jakaunak inankiuwai, niina numpeejai ajumaish tuke atinun chichaman apakua nuna,

(Josué) 4:7

atum ayaakjum: ‘¡Chicham umiktin agagbau egketun arcan sacerdote aidau yanaki jukiag namak Jordágnum wajawagmatai, namak jimaituk kanaka buku wajasbaunum ii katiajuitag nuna anemtijamjatin auk ijumjamui!’ titinaitjume”, tiuwai.

(1 Samuel) 4:3

Dutikam Israel aents aidau waketug ditá aakjin jegawagmatai, apu aidau ditan iniinak: “¿Wagka Tuke Pujuush iinash filisteo aents aidau ijinatnume tusash idaitamsae? Dekas yaakat Siló shiyakagmi, nunikaja arcanum chicham umiktin agagbau egketa nunú utiagmi. Dutika ajin Tuke Pujuu iinash ayamjutpakti”, tuidau.