(Evangelio según San Lucas) 4:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Dutika Iwanch chichajak: —Ashí ju imaja junak nuigtú ditá imanji aina nunashkam amina amastajame, wagki juka minai idaisamui, nuadui wi wakegamun sumainaitjai.

(Evangelio según San Lucas) 4:6 Iomraidhean Croise

(Evangelio según San Lucas) 4:7

Ame mina tikishmajam emematjakminig, ashí aminuk atí tusan idaitustajame, tau.

(Evangelio según San Juan) 12:31

Yamaiya juuwai ju nugkanmaya suwimak suwamu atata duka, tuja yamaiya juiki Iwanch ju nugka jui inama nunú depetkamu atata dushakam.

(Evangelio según San Juan) 14:30

Atumjaig kuashat chichá pujushtatjai, ju nugka juna apuji minau asamtai, nigka mina depetumainjig senchijig atsujui;

(Evangelio según San Juan) 8:44

Atumin apa duka Iwanchia nuuwai; nunin asamtai atumí apa wakega duke takastasajum wakegagme. Nagkamtinish Iwanchik magkagtin aajakui, nunin asa dekaskea nunak nigka tuchauwai, wagki niinig dekaskea duka atsau asamtai. Waita nunin asa chichakush waitnak tawai tuke nunin asa, wagki nigka waitai, nunin asa waita apajiyai.

(Segunda carta de San Pablo a los Corintios) 11:14

Dita nunia duka anentai jegagchamnukesh atsui, wagki Satanaschakam tsanumkug Apajuí aentsji nayaimpinmayaya iman weeta wajauwai,

(Carta de San Pablo a los Efesios) 2:2

ju nugkanmaya aentsú nunitaiji aina nu dutiksagmek takaakjum, agkajunum wakan senchigtin inama nu wakegamuji umijujakuitjume, yamai niina senchijijai Apajuin intimjuina nuwi inama nu.

(Primera carta de San Pedro) 1:24

Wagki agagbaunum tawai: “Ashí iyashik tuke dupayai, nuigtú ashí aentsú imanjiya duka, dupá yagkujijai betekai. Dupag kagawai, nunitai yagkují iyawai;

(Primera carta de San Juan) 5:19

Jutiik Apajuinu ainag duka dekainaji, untsu ashí aents Apajuí nemagchau aina duka wakan pegkegchau inatai ainawai.

(Apocalipsis) 12:9

Nunikmatai dragón yaunchuk dapi tujakbau, Iwanch Satanás tutai, ashí nugkanum tsanumá wekaena nunak, ashí niina angelji aidaujai jiikí nugká ajapawagmayi.

(Apocalipsis) 13:2

Nu bestia wainkag duka ikamyawajai betekmamtinuyi, naweg chayú nawega numamtinuyi, untsu wenig leogka weniya nuninuyi. Nuna dragón niina senchijin nuigtú niina ekeemsa inamtaijiya nunash susabi ni inamjati tusa.

(Apocalipsis) 13:7

Nuigtushkam Apajuí nemajin aidaujaish maaniati nuniak depetkati tibauyi. Nuigtushkam, ditash niimtin aina nuish, yaaktanmash, ditash chichaaku aidaunmash nuigtú ashí nugkanmash inamjati tusa idaitusbauyi.