(Evangelio según San Lucas) 3:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Dekas tudau takatan idaisaush wajuku amainaita nunú iwainmamkatajum, wainka atumek anentaimsajum: Abraham wegantu asaja yupichu uwemain ainaji, tumamigpa; wagki Apajuik jujú kaya aina junakesh Abrahama uchijí emamainai.

(Evangelio según San Lucas) 3:8 Iomraidhean Croise

(Ezequiel) 33:24

“Israel aents aidau nugke tsaikbauwa nuwi aents ujumak iwaku juwaju aidau batsamas chichainak: ‘Abrahamak nigkitak, juju nugkanak niinu ema pujusui, tuja ii aidautik kuashat ainaji nuadui utujimkas iinu emami’, tuinawai.

(Evangelio según San Mateo) 21:43

“Nuadui tajime, Apajuí atumin inapa nunak idaiyak tikich aentsun inagtinai, midau atin aidaunak dutiksag itagtuatnume tau asa.

(Evangelio según San Mateo) 3:8

Dekas tudau takatan idaisaush wajuku amainaita, nunú iwainmamkatajum pegkeg aina nu takaakjum,

(Evangelio según San Mateo) 3:9

atumek: ‘Abraham wegantu asaja yupichu uwemain ainaji’ tumamigpa; wagki Apajuik jujú kaya aina junakesh Abrahama uchijí aidau emamainai.

(Evangelio según San Lucas) 13:25

Jeenna nu wajakí waiti epenmataig, atum agaa waitinum ijuntsajum untsumkujum: “Apuh, Apuh waiti ujatjita, tajumin, ni aigmak: Wika atumnak wainchau ainajime, tuwiyants ainajum tujabiagtinai”

(Evangelio según San Lucas) 13:26

Takui atum ayaakjum: “Apuh, jutii amijai yuwaku, umutash umin aayagjama, jutii plazajinish jintinkagtin aayumjama, tiagtin ainagme”.

(Evangelio según San Lucas) 14:9

nuniau asa amina ipapauwa nu tajuntugman: “Wajaktá, ju aents ekeemsati”, tujamkui, datsá datsanjai wajakim ukunum ekeemtai aunum ekeemsaim.

(Evangelio según San Lucas) 19:40

Tama Jesús ayaak: —Dita itatiagtaik kaya aina ju pampaumain ainawai, tiuwai.

(Evangelio según San Lucas) 19:9

Tutai Jesús ayaak: —Yamaik ashí amina pataimijai uwemkaugme, Abraham dekaskeapi tiuwa nunisjumek dekaskeapi tujutiujum dui, dekas Abraham wegantu wajasugme.

(Evangelio según San Lucas) 5:21

Nuna tutai chicham umiktinun jintinkagtin aidau, fariseo aidaujai ditak anentaimsag: “¿Niish ya asaya Apajuinash pegkegchaunash chichajua? ¿Ya tudau aidaunash tsagkugkagtumainaita imá Apajuikeajama?”, tuidau.

(Evangelio según San Juan) 8:33

Tutai dita aiinak: —Jutiik Abraham weantu ainaji, nunin asaja makichkish inaku waitkataig aajakchauwaitji. Nuniajinish, ¿wagka agkanmagattagme tukagtame?

(Evangelio según San Juan) 8:39

Tutai dita aiinak: —Jutii apajig Abrahamai, tuidau. Tiagtai Jesús ayaak: —Abrahama uchijí ainakjumek, Abraham takajakua duke takamainaitjume.

(Los Hechos de los Apóstoles) 26:20

nunikan dekatkauk Damasco batsata nuiyá etsegkabiajai, nui juakin Jerusalén, nuigtú ashí Judea nugkanmash, judiochu aidaunash tudau takatan idaiyinak Apajuin nemagkatnume, nunikag pegkejan takainak dita yapajinamujinash iwainmamkatnume, tusan.

(Carta de San Pablo a los Romanos) 4:16

Nunin asamtai Apajuí Abrahaman anagkuauwa nunak, ni weantu aidaush dekaskeapi tabaunum anenjauch uwemjatnume tiuwai. Apajuí anagkagtuamuk, jutii judío aidauti chicham umiinag nudaukechui, Abraham Apajuiyaig dekaskeapi tujakua nunisag ashí aents dekaskeapi tuina nudauwai. Aatus asamtai Abrahamak ashí jutii aidauti apajiyai.

(Carta de San Pablo a los Romanos) 9:7

nunisag ashí Abraham weantu aina nuiya aidautik, ashí betekak Abrahama uchijig ainatsji, wagki juna Apajuí Abrahaman chichajak: “Ame weantu aidauk Isaac akiiamua nuiya agtinai”, tiuwai.

(Carta de San Pablo a los Filipenses) 1:11

Jesucristo yaimpasagmatai kuashat pegkeg takaagmin tikich aidaush Apajuin eme anentus ememattinme tusan.