(Evangelio según San Lucas) 2:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Tuja Joseshkam Galileanum yaakat Nazaret awa nuiya juwaki Judea nugkanum jegau, yaakat Belén David akiinamu aajakua nui, nigka David wegantu asa.

(Evangelio según San Lucas) 2:4 Iomraidhean Croise

(Génesis) 35:19

Aatus Raquelak jakauwai. Nunik jakamtai Efrata jintanum yamai yaakat Belén taji nuwi ukusajui.

(Génesis) 48:7

“Wi Padán-aram pujaun wakitkin wegai canaágnum yaakat Efratanum jegattak amina duku Raquelak jakauwai, nunikmatai nunú jintanmak yamai Belén tutaya nuwi ukusan ukukiuwaitjai”, tiuwai.

(Miqueas) 5:2

Untsu Belén Efrata tuuta awagmatia, nuwiya aidautigmek, tikich Judá wegantu aina nujai diismash ujumchik ainagme. Nuninuch ainayatkujum, eme anentsa chichagtai atinaitjume. Wagki atumi patayi aajakua nuwiya apu atin akiina Judá wegantunum inamjattawai.

(Evangelio según San Mateo) 1:20

Nuna aatus anentaimas José kanittaman, Apu Apajuí angelji awemamu kajanum wantintuk: “José, David weantu uchijiyah, ishamtsuk Mariak jukita, ni ejapjuka nunak Wakaní Pegkejin ejapjuke”, tiuwai.

(Evangelio según San Mateo) 2:23

nunik jegaa yaakat Nazaret pujustatus jegauwai. Nunú aatus nunikua duka, profeta aidau: Nazaretnumia tama atinai, tibauwa nu uminkauwai.

(Evangelio según San Lucas) 2:3

Tibau asamtai ashí shimuidau, makí makichik ditá yaaktajin agatmamjagtatus.

(Evangelio según San Lucas) 2:5

Nui agatmamjatatus weak, ni nuwenatasa dakaniamuji María ejamtinun ayasá weuwai.

(Evangelio según San Lucas) 4:16

Jesús Nazaret ni pujusá tsakagbaunum wakitki jegaa, tsawan ayamtai tsawagmatai jega ijuntainum wayau tuke nunin asa; nunik wajainiu Apajuí chichamen ausatatus,

(Evangelio según San Juan) 1:46

Tama Natanael chichaak: —¿Nazaretnumiash makichik pegkejash jiinmainkaih? tau. Tutai Felipe ayaak: —Dekas wemí amesh wainkamnum, tiuwai.

(Evangelio según San Juan) 7:42

¿Agagbauwa nuanui, Cristuk David weantu nuigtú belegnumia atinai David pujujakua nuiya tatsuak? tuidau.

(Rut) 1:19

Nunik mai juwakag we wenakua Belén jegawajui. Nunik jegawagmatai aents aidauk senchi pampaidau shiig aneenak. Imatiagtai nuwa aidauk: “¡Noemí tae, Noemí tae!” wajaidau.

(Rut) 2:4

Nunik juwaak wekagai Booz Belén pujau niina ajajin weuwai. Nunik jeganta ajaka juu aidaun kumpamak aatus tiuwai: “¡Tuke Pujuu atumnash kuitamjamkatnume!” tiuwai. Tusa tama dita ainak: “¡Tuke Pujuu aminashkam pegkegnum yumigtamsati!” tiajui.

(Rut) 4:11

Tusa timatai apu múun aidau tikich aents aidaujai nuwi batsatu chichainak: “¡Ehe, duka dekas iishkam wakegaji! ¡Nunú nuwa amina jemin wayatta nunak Tuke Pujuu yaigti, dutikam Raquel Leajai iina dukuji aajaku aina nujai betek atin ati! ¡Untsu amek Efrata, tikich daaji Belén tuuta awagmatia nuanuig, eme anentsa ajantusa diitai atatme!

(Rut) 4:17

Nunú uchin Noemí pagkus wajaun nuwa aidau wainkag chichainak: “¡Noemís uchigmakatai tumain anentaji!” tuidau. Nuna tuidau asag uchi daajin adaikajui Obed. Nunú aajakui Jesé apaji Davitan apachji aajakua nunú.

(1 Samuel) 16:1

Tuke Pujuu Samuelan chichajak: “¡Saúla utugchatji anentaimtusam wake besemag dekapeakum waitu pujutsuk idaisata! Yamai nagkamsag Israel aents aidaun apujig achati tajai. Aní pujutsuk aminu kuntinu kachuji awa nuwi aceite yajaa jukim Belégkanmaya aents Jesé daagtin puja nuna jeen wetá. Niina uchiji aina nuwiyan makichik Israel aents aidaun apuji atinun etegkajai”, tiuwai.

(1 Samuel) 16:4

Nuna Samuel imatiksag umikui. Tuja Samuel Belén jegamtai, nuwiya apu múun aidau niina wainkag kautuawajui. Nunikag igkug iniinak: “¿Wagka taume, utugchat atsuak?” tuidau.

(1 Samuel) 17:12

Saúl apu aajakua nunú tsawantin makichik aents múuntuch Belégkanmaya Jesé daagtin pujujakui. Nuna uchijig ocho ajujakui. Nuwiya aajakui David.

(1 Samuel) 17:58

Dutikamtai Saúl iniak: “¿Amesh yana uchijiyaitpa? ujatkata”, tau. Tama David ayaak: “Wika amina inakem Jesé Belégnumiaya nuna uchijiyaitjai”, tiuwai.

(1 Samuel) 20:6

Tuja amina apa mina pachitus inimpakuig: ‘Maki makichik mijantin kuntin maa apeaku Apajuí ememattai jegau asamtai, wisha mina pataag aidau Belén batsata nujai ijunjan jiistamatjai tusa segatkui awemamjai’, tita.