(Evangelio según San Lucas) 1:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ kuashat Israelan uchijí aidaun ataktú ditá Apuji Apajuiya nui awakeagtatui;

(Evangelio según San Lucas) 1:16 Iomraidhean Croise

(Isaías) 49:6

Tuja nii chichagtak: ‘Wika aminak mina inakeg ati, nuniak Jacob wegantu aidau achija yajuakam nugken ukukiag, tikich nugkanum batsata nuna ataktu awakeag, dita nugken ikaunmati tusanuk ima nunakek tatsugme. Tuja ashí tikich aents judíochu aina nuwishkam tsaaptinun iwainakti titatjame. Ashí tikich nugka aidaunum mina chichamjun etsegkati, nunitai ditashkam uwemjatnume tusa’, tujutmayi.

(Malaquías) 3:1

Tuja Tuke Pujuu ashí senchigtina nunú chichaak: “Wi taatnun jintan umigtukti tusan mina chichamjun etsegnun awemattajai. Atum Tuke Pujuu dakajum duka pachiachbaunum wamak niina jee pegkegma nuwi wayattawai. “¡Chicham umikbaun jintinjamatna duka minawai!” tawai.

(Evangelio según San Mateo) 21:32

Wagki Juan Yamijatna duka pegkeg takatan jintinjamatatus tauwai, tujash atumek dekaskeapi tichau ainagme; atum nuniagmin apú kuichkiji atinun ijumin aidau nuigtú nuwa akiká takatai aidaushkam dekaskeapi tiajui, tujash atumek ashí nu wainiatkujum tudaujum idaisajum pujutjum yapajiachu ainagme nunikjum niish dekaskeapi tumainaitjum nu, tiuwai.

(Evangelio según San Lucas) 1:76

Nuna tii uchijinashkam: “Amek uchijuh, ashí tikich aidau nagkaesau muunta nuna profetaji tama atatme; wagki amek eemkam wetatme Apú jinti umigkatasam,

(Evangelio según San Lucas) 3:3

dutikam niishkam Jordagnum tikiju batsataidaunum ashí wekaegas chichagkagtau, tudau idaiyinak yamimajag tudau aidaun tsagkugnagtinme tusa;