(Levítico) 19:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ “Amina pegkegchau awajtamainakuish, dutiksamkek iikaipa, tuja amina aentsjum aina dusha kajejin aipa. Duka nunitsuk amek anenmamsam tikichish aneeta. ¡Witjai Tuke Pujuunuk!”

(Levítico) 19:18 Iomraidhean Croise

(Génesis) 4:23

Lámec niina nuwe aidaun chichajak: “Mina duwag aidauwah, antuktajum: Makichik aents mantuatag tusa ijutkui wi maamjai.

(Salmos) 103:9

Apajuík jiyajatu pujuchui; tuja kajegkagtukbaujish tukek achauwai.

(Éxodo) 20:16

“¡Tikich aentsush wainka tsanumjujaipa!

(Levítico) 19:34

Duka dutiktsuk atum wegantu kuitamainaitjum dutiksagmek kuitamkujum, atumek anenmamsajum aneetajum. Atumshakam tikich nugkanmaya ainayatkujum, Egipto nugkanum batsamajaku ainagme. ¡Witjai Tuke Pujuu atumi Apajuígminuk!”

(Evangelio según San Mateo) 19:16

Makichik aents Jesusan jegantun iniak: —Maestroh, ¿wají pegkegna takamainaitja pujut nagkanchaun jukitasanush?, tau.

(Evangelio según San Mateo) 19:19

amina apa dukujai eme anentsam diistá, nuniakum tikich aidaush amek anenmamsam aneeta, tiu.

(Evangelio según San Juan) 13:34

Chicham umiktinun yamagman ukugjime: Makí makichik pempeentunisjumek aneenitajum; wi atum aneamun iwaintukjim nunisjumek, atumesh pempeentunisjumek aneenitajum tusan.

(Los Hechos de los Apóstoles) 16:28

Nunitai Pablo senchi untsuká: —Maamawaipa, jutiik ashí betek batsatji, tiuwai.

(Carta de San Pablo a los Romanos) 12:17

Pegkegchau awajtamainakuish makichkish pegkegchaunmag iikaigpajum, duka nunitsuk pegkeg aina duke takaakjum ashí tikich aidaush pegkeg iwaintukta tabaunum kakanmamsatajum.

(Carta de San Pablo a los Romanos) 12:19

Aneetaig yatsug aidauh, atumkek iikmakaigpa, Apajuí idaitusta ni suwimkanak susati, wagki Apajuí chichame agagbaunum: “Witjai aents tikichin pegkegchau awagbaun suwimkan suwaunuk, nunin asan aents pegkegchaunak wi suwimkan susattajai”, Apu tiuwai.

(Carta de San Pablo a los Romanos) 13:4

Ditak pegkeja nuna takastinme tusa Apajuí apusamu asag, atumnak pegkegnum yaimpamain ainawai. Untsu ame pegkegchau takaakmek dekas apuk ishamainaitme. Wagki apuk, wainak suwimkan sukagtusti tusaik adaikachbau ainawai. Apajuí pegkejan takastinme tusa apusamu asag pegkegchau takaina nuna suwimkan suwawai.

(Carta de San Pablo a los Romanos) 13:9

Apajuí chicham umiktajum tiuwa duka: “Tsanijinawaigpa, magkagtuawaigpa, kasamkaigpa, dekaskechuk tikichik tsanumjujaigpa, tikichdauk anentaimtusa wakejukaigpa”, tawai. Nuigtú tikich aidau umimain awa duka: “Tikich aidaush amek anenmamsam aneeta”, tawa nunú imatiksaik umiamunum, chicham umiktinnum tawa duka ashí uminui.

(Carta de San Pablo a los Gálatas) 5:14

Chicham umiktin agagbauwa duka: “Tikich aidaush amek anenmamsam aneeta”, tawa nu imatiksaik umiamunum ashí chicham umiktinnum awa duka uminui.

(Carta de San Pablo a los Gálatas) 5:20

apajuimtai dakumkamu emematbau, wawejatbau, shiwagmaga pujamu, tsuwat chichamtin, akasmamu, waa wamak kajeamu, jiyaniamu, datumkagtamu, niish kanaktatus anentaimin,

(Carta de San Pablo a los Efesios) 4:31

Ashí kajeamu aina duka idaisatajum, senchi kajeamu, tsagkugchamin kajeamu, shinamu, pegkegchau chichagkagtamu, nuigtú ashí pegkegchau aina dusha takasaigpa.

(Deuteronomio) 32:25

Atumi uchijum aidauk jintá maa aepeam agtinai. Tuja atumi jeminia aidaushkam senchi sapigmagtinai. Imaaninak uchi tsakat aidau, nuwauch tsakat aidau, múuntuch aidau, uchi muntsu muntsuaku aidaush jinawagtinai.

(Deuteronomio) 32:35

Witjai suwimka sukagtinnuk, nuniau asan tsawan jegakui, wi suwimkanak susatnaitjai, wagki nii waittsatna duka tsawantak jegawai. Tuja nii suwimak jukitnuji umigkamua duka tsawantak uminui”, tiuwai Apajuí.

(Carta de San Pablo a los Colosenses) 3:8

Tujash yamaik ju aina duka ashí idaisatajum: magkagtumain kajeamu, kajet, pegkegchau takaamu, pegkegchau chichagkagtamu, chicham pegkegchau chichat.

(Carta a los Hebreos) 10:30

Apajuí chichaak: “Witjai aents tikichin pegkegchau awagbaun suwimkan suwaunuk, nunin asan aents pegkegchaunak wi suwimkan susattajai”, tawai. Junashkam: “Niina aentsji aidaunak Apajuí ni titinai”, tawai.

(Carta de San Santiago) 2:8

Chicham umiktin dekas iman agagbauwa nu dekaskenum umiakjum: “Tikich aidaush amek anenmamsam aneeta”, tawa nu umiakjumek pegkeg takagme.

(Primera carta de San Pedro) 2:1

Nuadui idaisatajum ashí pegkegchau aidau, ashí waitjamu aidaush, tsanumat, tikichdau diigsá kajet, ashí wainka tsanumkagtut aidaushkam.

(Primera carta de San Juan) 4:21

Jutiinak ju chicham umiktin ajutjamji: Apajuin anea duka yachinashkam aneeti tibauwa nu.