(Levítico) 16:22 - Awajún: Apajuí chichame pegkejam Porciones del Antiguo Testamento y el Nuevo Testamento

²² Dutikam nunú chivo uwejush aents atsamunum megkagak, ashí ditá pegkegchauji aidaunak yajuak ajapattawai.

(Levítico) 16:22 Iomraidhean Croise

(Salmos) 103:10

Ii pegkegchau takamtaijin shiig kuashat suwimak jumain ajinig, imatikagkesh amaschauwai.

(Salmos) 103:12

Etsa jiintaijiya nuna etsa akaetaijiya nujai atushat akankauwa numamtuk, iina tudaujinak atushat datupajui.

(Ezequiel) 18:22

Tuja nii tudauji aidaunak tsagkujan, atakea duish anentaimtuschatnun kajimatkin idaisatnaitjai, nigka waji pegkeg aina nuna takasu asa iwaku pujustatui.

(Levítico) 16:21

Dutika nuna kuntinu buuken achika pujus, Israel aents aidau pegkegchau takasbaujin tuja Apajuí antugtsuk intimjukbau aidaun aatus ashí etsegtumagtatui. Dutika ashí pegkegchau aina nunak chivo buuken utuatkattawai, dutikamtai makichik aents nuna juki uwegshunum ejegan atia akupkati.

(Levítico) 16:23

“Nuna dutika nunú aak pegkejam aakmakbaunum Aarón waya jáanch lino apagbau nugkuagbaujin awimak ukuktatui. Wagki nunú jáanchik nuwi tuke ukutai asamtai.

(Miqueas) 7:19

Nuadui wait aneasam ataktu wait anenkagtujam, iina tudauji aidauk dekas nayantsa kunajin ajugka ajapata.

(Evangelio según San Juan) 1:29

Kashinia dui, Juan Jesusan wainkauwai, niina adijkatatus minittaman, nunik: “Diistajum, auwai Apajuí Uwigji, ashí aents nugkanmaya aidau tudaujin akikmak mantamnatta nunú.

(Carta de San Pablo a los Gálatas) 3:13

Cristo jutiinak agkanmitkagbauwai chicham umiktina nu umiachbaunum suwimak jumaina nunak. Ni iina ayamjutpakta tau asa suwimkan juwak mantamdauwai, nunisag agagbaunmashkam: “Aents maamua nu numinum nenam awa duka, Apajuí aents tikima katsek tudaugtin dutikatajum tibau asa dutikam awai”, tawai.

(Carta a los Hebreos) 9:28

Nunisag Cristushkam kuashat aents aidau tudaujin utsankatatus makichkia jakauwai, tuja ataktú minitta duik tudaunak pachikchattawai, niina dakak batsatun uwemtikatatus minau asa.

(Primera carta de San Pedro) 2:24

Nigki iina tudaujinash niina iyashin jukiuwai numinum achinjauwa dui, tudau takatnak idaiyinak, pegkeja nuna takastinme tujamu asa; niina iyashí tsupinjauwa dui atumek tsagaju ainagme.