(Levítico) 16:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Nuna dutika Apajuíjai chichaaku waitai aak pegkejam aakmakbaunum, dekatkau wayamua nunú ‘pegkejam’ tutaya nuwi kugkuin incienso chimpia apetainum jii kaiji kuntin apetainmaya yajuaka chimpiamu eketa nuna jukiti. Dutika nuigtushkam kugkuin incienson atsaaki juki nunú aaknum tesaamu jáanch ejatuamua nunú ‘shiig pegkejam’ tutaya nuwi awayati.

(Levítico) 16:12 Iomraidhean Croise

(Levítico) 10:1

Aarógka uchiji Nadab Abiújai kugkuin incienso chimpia apetain jukiag, nuwi jii ekemakag incienson chimpiawag Tuke Pujuu dutikatajum tichamu aig, aak pegkejam Apajuíjai chichatai aakmakbaunum wayawag nuna apeawajui.

(Deuteronomio) 33:10

Dita ainawai amina chichamem umiktin agagbau aina nuna Jacob wegantun jintintuina duka. Dita ainawai kugkuin incienson kuntin maa apeamujai jukiag, aak pegkejam aakmakbaunum nunú patasa apetai puja nuwi pataina nunú.

(Carta a los Hebreos) 9:14

Aan nagkaemas Cristo numpega duka senchigtinai, nigka Wakan tuke pujuuwa nunú yayasam Apajuí eemtinish makichkish tsuwatji atsugbau nigki tsagkamanak mantamna numpen ukajua dui iina anentain pegkegchau takaaku jatanum jegamaina nunash nijatjamjauwai, Apajuí iwaaku puja nunak umigkatnume tujamu asa.

(Carta a los Hebreos) 9:7

Tujash nuna ukuujin tesamu shiig pegkejam tutaiya nuig, imá sumo sacerdotek makichik mijantin makichkia waijakui, kuntinun numpen takus. Nunik nunú numpa nuna Apajuin anagkuak, dekatkauk niina tudaujin tsagkugnagtatus segatmami, dui tikich aentsú tudaujinash segatujakui.

(Primera carta de San Juan) 1:7

tujash jutiish ni tsaaptinnum puja nunisaik pujakuik, niijai betek tikich aidaujaish shiig anendaisa pempeentunisaik ijutkau amainaitji, nuniajin Apajuí niina Uchijí Jesucristo numpega nujai ashí iina tudaujinash nijatjamag esakatjamui.

(Apocalipsis) 8:5

Nuniai ángel incienso apetain jukibi, dutika altarnum jii kegá nuna juki aimak nagkimá nugká ajuagmayi; dutikam ipamat, pampaamu aidau, chaajip, nugkashkam uugmayi.