(Levítico) 10:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nunikagmatai Moisés Aarógkan chichajak: “Juna pachis Tuke Pujuu chichaak: “ ‘Wi pujamunum taidaunak mina pegkegmajun iwaintukagtatjai. Tuja ashí Israel aents aina nunak mina imanjun iwaintukagtatjai’ tujamayi”, tiuwai. Nuna Aarón antuk, chichatsuk wajasui.

(Levítico) 10:3 Iomraidhean Croise

(Génesis) 18:25

¡Aents pegkegchaun takaschau aidauk, pegkegchau takasu aina nujai ijumjamek pegkegchaun takasua numamtukek ijinmaitsume! ¡Dekas wait aneasam dutikawaipa! Amek Apu chicham epegkin asam ashí nugkanmaya apu aina nuna Apujiyaitme, nuadui, ¿aents pegkegchaun takaschau aina duka ayamjukchattamek?” tiuwai.

(Job) 2:10

Tusa tama Job ayaak: “¡Duwajuh, nuwa anentainkachujai betek chichakaipa! Apajuí waji pegkeg aidaun kuashat amaakui juwag dutiksaik, nii pegkegchaun amaakuishkam jumainaitji”, tiuwai. Tuja imanik waitiakush makichkish pegkegchaunak takamsachui, nuigtush pegkegchaunakesh Apajuínak chichagkachui.

(Salmos) 148:14

¡Apajuí niina aentsji aidaunak senchimtikawai! Nuadui niina aentsji Israel wegantu aidautik nii emematuinaji. ¡Yajauwajah! Apajuí ememattai ati.

(Salmos) 46:10

¡Anuig nagkankatajum! ¡Witjai Apajuínuk, nunú dekatajum! Ashí nugkanmaya aidauk mina umigtukagtatui.

(Salmos) 93:5

Chah, Tuke Pujuuwah, amina chichamjum umiktina duka yapajinchau tuke auwai. ¡Amina pegkegmagmea duka makichik jeganum yagkug nenaja iwajamuama imanik, amina jem pegkegma nuwi tuke awai!

(Éxodo) 14:17

Wi egiptunmaya aidaunak antakchau ema ai pataetugmakagtatui. Nuninakui ashí nii suntaji, carroji, caballoji aidau minina nuna ijinkun mina senchijun iwainaktatjai.

(Éxodo) 14:4

Tuja atumin pataetugmaktinme tusan wi niinak ataktu antakchau awajsattajai. Dutika ai pataetugmakui, niina, tuja niina suntaji aidaujaí wi mina senchijun iwaintuktatjai. Dutika ai egiptunmaya aidauk, wi Apajuí Tuke Pujuu tutayaitag nuna dekajuawagtatui”, tiuwai. Tusa tiajam Israel aents aidauk Tuke Pujuu tibaun betek uminak nuwi aakmajag batsamsajui.

(Éxodo) 19:22

¡Tuja sacerdote minai tamain aina dukesh junisagkek tantainmeka, dekatkauk pegkeetnume! Nuninachkug ditashkam jinumain ainawai”, tiuwai.

(Éxodo) 19:24

Tutai Tuke Pujuu Moisésan chichajak: “Wakitkim jegata. Nunikam Aarógjai wakata. Untsu sacerdote aina duka Israel aidaujaig nugka mamiktuamua nuna nagkaikiajag wi pujag juwig makichkish wakainmegka. Nuna nuninakug wi ¡suwimka susa ai jinawagtatui!” tiuwai.

(Isaías) 49:3

Tuja nii chichagtak: ‘Israel aents aidauwah, atumek mina inakeg ainagme, atumiin mina senchignak iwainaktatjai’, tujutmayi.

(Isaías) 52:11

¡Babilonia nugkanum batsatjum duka jiinjajum ukuktajum! ¡Tuja Tuke Pujuu jeen takastin waji aidau ikaunmatnutigmek kuitamamkatajum, pegkegchau takasaigpa!

(Números) 20:12

Tujash Tuke Pujuu Moisésan Aarógjai chichajak: “Atumek minai kajintsa anentaimtsuk, tuja mina pegkegmajua dushakam Israel aents aidaunum iwainakchau asajum, wi nugka anagkuawaitjim nuwig juju aents aidau yajuakjumek wechattagme”, tiuwai.

(Evangelio según San Mateo) 10:37

“Aantsag mina anenmaina nuní nagkaemas apajin, nuniachkush dukujin imá senchi aneauk midau amaitsui, antsag uchijin nuniachkush nawanjin mina nagkaetasu aneaushkam, midauk amaitsui;

(Evangelio según San Juan) 12:28

Apawah, aminak emematjabiagtinme, tiuwai. Nuna tai nayaimpinmaya chicham: Duwik emematjitnume tusanuk dutikabiajai, tujash awentsanuk iwainaktatjai tabau antuekauwai.

(Evangelio según San Juan) 14:13

Ashí mina daajui Apag segattajum nunak amastatjime, wi dutikamunum Apajun ememattinme tau asan.

(Deuteronomio) 32:51

Atumek yumi pukuni jiinbau Meribá-cades tutaya nuwi Israel aents aidau yumi umumain atsutai chichamjuinakui, wi nunú dutikatajum tusan uwejush Sin tutainum tiuwaitjim nunú umikchauwaitjume. Nunú nugkanum Israel aents aidau yumin sumainakui atum mina eme anenjamu ditá emtin iwainakchau ainagme.

(Segunda carta de San Pablo a los Tesalonicenses) 1:10

ni minitna nunú tsawantinig, niina aentsji pegkejam aidau emematuinam nuigtú ashí dekaskeapi tuidau puyattsá diyam atina nuna. Tuja atumek jutii etsegbau dekaskeapi tiu ainagme.

(Primera carta de San Pedro) 4:17

Apajuí aentsji aidauti waittsatnuk yamaik nagkamnae, aatus nu jutiiní waitiamu nagkamna aniaish, yamajam chicham Apajuinua nuna umiinatsu dusha, ¿wajuk nagkankatnuk ainawa?

(1 Samuel) 2:30

“Dutikau asamin Tuke Pujuu Israel aents aidaun Apajuíji mina takagtin atinme tusa tujabiuwa nunú chichaak: ‘Wi atumnak mina takagtustinme tusan etegkauwaitjime. Tujash duka yamaik makichkish uminkashtatui. Wika mina eme anenjuina nuna eme anentatjai. Untsu mina dakitjuina nunak wishakam dutiksanuk dakitjattajai.

(1 Samuel) 3:18

Tusa tama Samuel Apajuí tibaunak uugtsuk ashí niina ujakui. Tusa ujakam Elí senchi untsumak: “¡Aminak dekas Tuke Pujuu tujamne! ¡Nii tawa nunak imatiksag umikti!” tiuwai.

(1 Samuel) 6:20

Nuna wainkaju asag chichainak: “¿Tuke Pujuu Apajuí pegkejam ashí senchigtina nuna emtinish yaki nigkish ayamjumakainta? Dekas Apajuí kajegtamak ijipawai tikich yaaktanum awemami”, tuidau.