(Jueces) 7:25 - Awajún: Apajuí chichame pegkejam Porciones del Antiguo Testamento y el Nuevo Testamento

²⁵ Dutikainak nuigtushkam Madián aents aidaun apuji Oreb, Zeeb aatus achikajui. Dutikawag Orebnak yamai kaya Oreb tutai awa nuwi maawajui. Untsu Zeeb aajakua nunak vino najanatasa uva chimpia najatai aajakua nunú yamai Zeeb tutaya nuwi maawajui. Nuadui nunú uva chimpia najatai aajakua duka niina daajin namkauwai. Aatus Madián aents aidaun ai aintuinakua Jordágka amain Gedeón pujaunum waketuinak, Orepa buuken Zeepa buukejai tsupijuk jujukiajui.

(Jueces) 7:25 Iomraidhean Croise

(Isaías) 9:4

Wagki aents aidau inaku waitkatai wajasag waitu batsamaya duka ame agkanmitkaume. Dutikakum Madián wegantu aidau tsaikuitam dutiksamek yamaishkam ijina utsagkam agkanmitkaume.

(Habacuc) 3:7

Nuigtushkam Cusagnumia aents aidau initak makichkish jiinmainchaunum egkema waitmaina imanik senchi waituidaun wainkabiajai. Tuja Madián nugkanmaya aidaushkam senchi ishamainak jiintsuk ayatak kaemag aakchinmag batsatun wainkabiajai.