(Jueces) 7:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tuja Tuke Pujuu Gedeógkan chichajak: “Aents kuashat yajuaka wegam duwi dita Madián aents aidaun depetkajag, Apajuí yaimpasmatai depetmakji tutsuk, kuashat ainag duwi depetmakji tumain ainawai.

(Jueces) 7:2 Iomraidhean Croise

(Génesis) 46:2

Dutika nuwi kanittaman Apajuí kajanum wantintuk niina daajin adaitus untsukui. Tusa untsuam nii ayaak: “Juwi pujajai, Apujuh”, tiuwai.

(Jeremías) 9:23

“Tuja aents yacha duka niina yachajinigkik eme anenmamigka, tuja aents senchigtina dushakam, niina senchijinigkik eme anenmamigka, tuja wiakchashkam niina wiakchajinig eme anenmamigka.

(Daniel) 4:30

Nunik wekagu untsumak chichaak: “¡Atumesh Babilonia shiig múunta nunú diistajum! ¡Aunak wi awi pujusa inamjatnujun ibau pegkejan umikuitjai! ¡Nuigtush mina senchijun ashí aents tikich nugkanmaya aidaun iwaintuktasan imatikan umikuitjai!” tau.

(Habacuc) 1:16

Nuadui nunú aents namaka main aina duka niina redjin, agseajijai emematuinak kuntinun maa apeenak, kugkuin inciensonashkam apeenawai, wagki ditak duwi maawag dita yuwatnujinak shiig kuashat ijumag batsatu asag, shiig aneas batsatui.

(Carta de San Pablo a los Romanos) 11:18

Dutikamu asajum judío aidau ajakan kanawega numamtin aina nu imanchau diyakum ememaigpa. Tuja atum eme anenmamkugmek, adeagtajum, kanawega duka niina pegkegjinak kagkapenak inagkeatmaitsui, kagkapega nuuwai pegkegjin kanawen inagkeata duka, numamtuk atumnash awajtamkajui.

(Carta de San Pablo a los Romanos) 3:27

Nunin asamtai jutii ememamainuk makichkish atsawai, chicham umiktajum tibauwa nu umikbaunmagkesh pegkeg ainagme tichamu asaja. Ayatak Jesucristo dekaskeapi tabaunum Apajuik pegkeg ainagme tujamui.

(Segunda carta de San Pablo a los Corintios) 4:7

Jutiik, ichinak duwe najanamunum wají akik aidau egketiama dutikamu ainaji, nunak Apajuí niina senchijí muunta nuna iwainaktatus dutikauwai, duka iina senchijichui.

(Carta de San Pablo a los Efesios) 2:9

duka ii pegkeg takasbauwai uwemat jukichu asaja, ii emematmamainuk makichkish atsugtamji.

(Deuteronomio) 32:27

Tujash nuna dutika ai shiwag aidau mina pegkegchau chichagtuinakui, antutan dakitakun dutikachmaijai. Wi dutika ai mina shiwag aidau ememas chichainak: ‘Tuke Pujuu Israel aents aidaunak jiijag utsagchabi, jutii aidauti iina senchijijai jiija utsagmaiji’, tumain asagmatai idaisabiajai.

(Deuteronomio) 8:17

“Wainka anentaimsajum: ‘¡Juju waji aina junak mina senchigjai imatikatsjash!’ tiigpajum.

(Deuteronomio) 8:18

Nunak Tuke Pujuu atumi Apajuíjum atumi muunjum aajaku aina nuna anagkuamun umiak, jamamtuchu pegkeg batsamas takastinme tujabiu asamtai, pegkeg pujusa takakjum wajijinau asajum. Nuadui Tuke Pujuu atumi Apajuíjiya duka kajimatkigpajum.

(Carta de San Santiago) 4:6

Tujash ni anentag sukagtamu imá muuntai. Nuadui agagbaunum: “Apajuik emebau aidaunak dakitus diyawai, tujash imanchauch aina nuna wait anentawai” tawai.

(1 Samuel) 14:6

Nuwi wesag Jonatán niina kumpajin, chichajak: “Weajai au nagkaiki atú amainia awi aents pegkegchaun takau aidau batsata nunú jegajua Tuke Pujuu yaimpasmatai maaniami, wagki kuashat akuish, nuniachkuish ujumchik akuish, iik Tuke Pujuu yaimpasmatai depetmainaitji”, tau.