(Jueces) 6:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Tusa tutai Tuke Pujuu ayaak: “Wi amejai pujau asamtai, duka dutikattame. Nuadui Madián aents aidauk makichik aents depetmaina numamtuk depetkam ijinattame”, tiuwai.

(Jueces) 6:16 Iomraidhean Croise

(Éxodo) 3:12

Tutai Apajuí ayaak: “Wi aminak uyuuntsattagme. Mina aentsug ame wegantu aidau Egipto nugkanum batsata nunú jiija yajuakam, ashí atum aidautijum juju muja juwi emematjitnaitjume. Nunú betek uminkui dekattame wi amina awemajam nunú”, tiuwai.

(Isaías) 41:10

Ishamkagtukaigpa, wi atumjaig pujajai. Ishamkagtukaigpa, witjai atumi Apajuíjinuk. Wi atumnak senchimtikajime, wi atumnak yayajime, mina uweg senchigtin depetmauwa duwi ayamjukan kuitamjime.

(Evangelio según San Mateo) 28:20

dutikakjum ashí ju umiktajum, atumin tiuwaitjim dushakam jintintuatajum. Wika ashí tsawantai, nugka nagkanbau atina duish atumjaig tuke pujutnaitjai. Aatus atí.

(Evangelio según San Marcos) 16:20

Tuja ditashkam jiinjag ashí yantamnum etsejuidau, nuniagtai Apu Jesús chicham etsegbaunash aents aidaush dekaskeapi titinme tusa wainchatai aidau iwainamunmash yaigkui. Aatus atí.

(Los Hechos de los Apóstoles) 11:21

Nuniagtai Apu Jesuschakam niina senchijin ditan suidau, dutikainamu asag kuashat dekaskeapi tusag Jesusan nemagkajui.

(Josué) 1:5

Aminak makichkish depetamkashtin ainawai. Moisésan kuitamajakuitag dutiksanuk wi aminak kajimatki idaitsuk tuke kuitamkattagme.

(Josué) 10:8

Dutika umikmatai eke wegachunak Tuke Pujuu Josuén chichajak: “Amorreo aents aina duka ishamkaipa, amina idaitusjame, nii depetuk ijinati tusan. Nuadui makichik aentskesh dita aina nuwiyag amejai igkunia maanimainuk shiig atsuttawai”, tiuwai.

(Jueces) 2:18

Tuke Pujuu apu chichama epegkin atinun adaikag tuké yaijakui. Nunú apu aidau batsamsamtaig, Israel aents aidaunak ditá shiwaaji waitkagtaish Tuke Pujuu ayamjujakui, wagki waituinak chichainamun antuju asa.

(Jueces) 6:12

Nuna pujujun Apajuí ángeltsukaita tumain wantintuk chichajak: “¡Aents wajiu senchigtinuh, Apajuí amejaig pujawai!” tau.

(Jueces) 6:36

Nunik ijunjamtai Gedeón Apajuín chichajak: “Israel aents aidau ayamjukta tusa tujutmaum nuna umikti tusa yainkatnaitkumek,

(Rut) 2:4

Nunik juwaak wekagai Booz Belén pujau niina ajajin weuwai. Nunik jeganta ajaka juu aidaun kumpamak aatus tiuwai: “¡Tuke Pujuu atumnash kuitamjamkatnume!” tiuwai. Tusa tama dita ainak: “¡Tuke Pujuu aminashkam pegkegnum yumigtamsati!” tiajui.