(Jueces) 5:2 - Awajún: Apajuí chichame pegkejam Porciones del Antiguo Testamento y el Nuevo Testamento

² “Tuke Pujuu ashí ememattajum, wagki Israel aents aidaunmak aents maaniatatus wakeyin aidaush ayawai. Tuja nuigtushkam ditá apuji aidau maaniawagmi tusa tamak utujimkas, ayu tinu aidau batsatui.

(Jueces) 5:2 Iomraidhean Croise

(Salmos) 103:2

Ashí mina wakanjujai Tuke Pujuun emematkun pegkegnum chichagtinaitjai; tuja nii mina yainkauwa nunak makichkish kajimatkishtinaitjai.

(Salmos) 110:3

Ame apu wajasamin, amina aentsjum aidau shiig aneas kaunawag, ame tabau umikmi tusa tujabiagtin ainawai. Tuja amek kashikmas jegashjuk tsawauwama numamtuk, kashi kashinig yamajam senchi jutatme.

(Primera carta de San Pablo a los Corintios) 9:17

Nunin asamtai mina wakeetajui wiki nagkaman takasuitkunuk akiam amainaitjai, tujash nu umimain asamtai dutikag nunak Apajuí dutikata tibau asan dutikajai.

(Segunda carta de San Pablo a los Corintios) 8:12

Wagki, aents dekaskenum wakejus dutikatjai tusa, wajupa ajawa nuna diis anenjauch sukagta nuna shiig anentus Apajuik jujawai, Apajuik aents atsuja nunak segatsui.

(Segunda carta de San Pablo a los Corintios) 9:7

Makí makichkitijum atum wajuk susatjai tusagmea anentaimsaugme, dutiksagmek susatajum, junik anentaimiatkujum, nuniachkugmesh tikich apusata tujamainakui dutiktsuk. Apajuik ya wakejus suwawa nuna imá shiig aneawai.

(Deuteronomio) 32:43

“Nuadui ashí tikich aents judíochu aidautigmesh Apajuí aentsji aina nujai ijunjajum dakujustajum. Apajuí niina takajin aidau ijituamunum atumi shiwaajum aidaunak ijinattawai. Dutikak niina aentsji aidaunak wait anentug ditá tudaujinak tsagkujattawai”, tiuwai.

(Deuteronomio) 33:21

Israela uchiji aidau maki makichik wegantu aina nuna apuji aidau Canaán nugkan tesagdayagtaish, Gad wegantu aidau ima muuntan jukitnai apu aidau juinamujai betekak. Dita aidauk ame dutikata timauwa nuna umikagtin ainawai. Dita aidauk pegkegnum chichajam agtinai, wagki ame Israel aents aidau umiktajum timauwa nuna umidau asag”, tiuwai.

(Carta de San Pablo a los Filipenses) 2:13

wagki Apajuiya nuuwai wakeetan nuigtú ni wakega dutiksaik wakejusa takatan atumin amá duka.

(Carta de San Pablo a Filemón) 1:14

Tujash makichkish ame wakegatsminig dutiktanak wakekashmajai, ame mina yainbau wi takui dutikamu ai, dekas ame wakegamunum dutikamu atí tusan.

(Apocalipsis) 18:20

“Nayaim batsatutigmesh, Apajuí aentsji pegkejam aidautijum, apóstol aidautigmesh, nuigtú profeta aidautigmeshkam ju nuwa imania jujú diisjum shiig aneastajum. Wagki Apajuí atumin iikmatjamak suwimkan suwak imatikau asamtai”, timayi.

(Apocalipsis) 19:2

wagki Apajuí suwimkan susa duka pegkejai nuigtush dekaske, nuwa akiká takaaku tuwagtaiya nu ashí nugkanmaya aidaun, ni takataijiya nuna jintintua pegkegchau emaku asamtai suwimkan susae. Nuigtush niiní ikmake niina inaken kajegkú aina nuna”, wajagmayi.

(Jueces) 5:9

See tajame amina Tuke Pujuuwah, tuja Israel aents aidaun apuji aina nunashkam shiig anentuinajai, wagki ujumak wajiu aina nunú maaniawaju asagmatai. ¡Nuadui Tuke Pujuu ashí ememattajum!