(Jueces) 5:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ ¡Tagku kuitamin aidautigmesh, tuja ujudauch yaaktanum batsamchau aidautigmesh, Tuke Pujuu, Israel aents aidaun ayamjuk agkanmitkau asamtai, platillo aidau awatkujum Tuke Pujuu kantamjuatajum!

(Jueces) 5:11 Iomraidhean Croise

(Génesis) 24:11

Nunik wea weakua yaaktanum jegauwai, tujash eke wayatsaig etsa akagu. Nuniai nuwiya nuwa aidau yumin aimainak yumigmatnum shimuidau. Nuninai nunú inakshakam camello aidaun ayamtikak yumigmatnum ayaunas batsasui.

(Génesis) 29:2

Nunik wesa yumigmat taimunum ayaumas kampatum aents uwigjintin aidau, uwig nuwiyan yumin umin asagmatai, maki makichik ditá uwigji aidaun ijumag ayamainak batsatun wainkauwai. Nunú yumigmatak kaya múuntai dukukbau aajakui.

(Génesis) 29:3

Tuja nuwi ashí uwig aidau tuwakmatai, uwijan kuitamin aidau nuna kayan ujakag yumin shikik dita uwigjin aajag, nuadui ataktu kaya juki dukukag ukujaku ainawai.

(Salmos) 145:7

Amina wait anenkagtutaigmin pachisag etsejiagtinai; nuninak shiig aneas kantamainak: ¡Apajuíyai pegkegmak! tujamiagtinai.

(Isaías) 28:6

Tuja apu chichama epegkin aidaunashkam Apajuí shiig takau emaktinai, tuja suntag yaaktan kuitamin aidaunash wajiumitkaktinai.

(Jeremías) 7:2

“Jega Apajuí emematku ijuntainum wetá, nunikam nuwi wajasam juju chicham etsegkum: ‘Judá wegantu aidautijum Apajuí ememattag tusajum juju jeganum utsanin aidautijum, Tuke Pujuu Israel aents aidaun Apajuíji ashí senchigtina nuna chichamega nunú antuktajum: “ ‘Atumi pujutjum, pegkegchau takataijum aidaujai iwagmamjatajum, nunikagmin kuashat tsawan juju nugka juwi iwaku batsamsatnume titatjime.

(Miqueas) 6:5

Mina aentsug aidauwah, Moab nugkan apuji Balac atumin pegkegchaunum yumigtamjatag tuyi, tujash Balaam mina daajui atumin pegkegnum yumigtamjabia nunú adeagtajum. Tuja nuigtushkam Sitim nugkanum juwaki, Guilgal shimamunmash waji utugchat igkugkabiugme nunú kajimattsuk aneaku atajum. Nuniakjum, dekas Tuke Pujuuwap yaimpakuita titajum”, tiuwai.

(Deuteronomio) 33:21

Israela uchiji aidau maki makichik wegantu aina nuna apuji aidau Canaán nugkan tesagdayagtaish, Gad wegantu aidau ima muuntan jukitnai apu aidau juinamujai betekak. Dita aidauk ame dutikata timauwa nuna umikagtin ainawai. Dita aidauk pegkegnum chichajam agtinai, wagki ame Israel aents aidau umiktajum timauwa nuna umidau asag”, tiuwai.

(Jueces) 5:8

Ashí Israel aents aidauk wainka apajuímtai aidaun emematiagmayi, nuniau asamtai, ame ditá maaniatnume tusam dita shiwaaji aidau ishitkabiume. Tujash ditak cuarenta mil suntag nagkigtin, tantaajintin ainakush sapigmaidau asag, maanimainji atsugbau wajukmaina nuniagmayi.

(1 Samuel) 12:7

Nuadui umintsatajum, wagki wi yamai atumin iwaintuktatjime, atum aidautijum ima Tuke Pujuuwaig kajintsa anentaimtsuk, apugtin amí tusa sumakjum pegkegchau takamsaujum nuna. Tuja atumi apachjum aajaku aina nuna uwemtikatatus Apajuí dutikauwa nuna yamai dekamtikattajime.