(Jueces) 4:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Nunikagmatai Débora Barakan chichajak: “¡Pai, yamai maaniata, Tuke Pujuu Sísaranak amina idaitugmase! ¡Amina suntajum aidau shimamunmak Tuke Pujuu eemak weawai!” tiuwai. Tusa tima Barac muja Tabor pujau niina suntaji aidaun diez mil yajuak akaikiuwai.

(Jueces) 4:14 Iomraidhean Croise

(Génesis) 19:14

Tusa tima Lot niina nawanji aishi agtinun ujaktatus weuwai, nunik ditan chichajak: “¡Wamak nantagjum juju yaaktanum pujutsuk jiinjatajum, juju yaaktanak Apajuí tsaiktatui!” tau. Tusa tamaitak, wainkas tuu wekagatai tuidau asag antugkachaju ainawai.

(Génesis) 44:4

Nunik yaaktan ukukiag atushat kuwagainatsaig, José niina inaken chichajak: “Aents shiyakagma nunú pataetuktajum, dutikajum amaigkajum, juju aatsa titajum: ‘¿Wagka atumesh shiig kuitamkamaitkugmesh pegkegchaunmash iikagtagme? ¿Wagka shikika umutai plata najanamush kasamkaugme

(2 Samuel) 5:24

nuna titiji aidaunum aents waka wekaebau wajukama imatu antuktatjume. Nuniakjum pisajajum jetektajum, wagki nunak wi emkan filisteo aidaun ijinatasan wetatjai”, tiuwai.

(Isaías) 52:12

Tujash wainkajum waugtukaigpa, tuja uumkagmekesh tupikakigpa, atumi aintamuk atsawai. Tuke Pujuu, Israelan Apajuíjiya nunú atumnak kuitamjamainawai.

(Miqueas) 2:13

Apajuí eemak jinta jintama wetinai, nunitai dita pataekagtinai, yaakta waitijiya nuni jiinjagtinai. Nunikagmatai dita apuji Tuke Pujuu eemak wetinai.

(Deuteronomio) 9:3

“Tujash atumnak Tuke Pujuu atumi Apajuíjiya nunú kuitamjamsamtai shimajum nunú shiig dekau amainaitjume. Niig jii kegak ikagnamainchau ashí apeka weama iman asa, nunú aents aina nunak atumesh wainjumin ijinattawai. Tuke Pujuu atumi Apajuíjum tujabiuwa duka imatiksagmek utugchat atsau, nunú aents aidauk shiig wamak jiija utsaakjum ijinattagme.

(Josué) 10:8

Dutika umikmatai eke wegachunak Tuke Pujuu Josuén chichajak: “Amorreo aents aina duka ishamkaipa, amina idaitusjame, nii depetuk ijinati tusan. Nuadui makichik aentskesh dita aina nuwiyag amejai igkunia maanimainuk shiig atsuttawai”, tiuwai.

(Jueces) 4:10

Nuwi Barac jegaa Sabulón wegantu aidaun Neftalí wegantu aidaujai untsuka diez mil aentsun ijumjauwai. Nunik wetai Déborashkam Baracjai weuwai.

(Jueces) 7:9

Nunikagmatai nunú kashia duwi Tuke Pujuu Gedeógkan chichajak: “Nantakim jetekta, wi ame depetkati tusan idaitustatjame.

(1 Samuel) 9:26

Dutikam nuwi kanajui. Nunikmatai kashinia duwi Samuel Saúl yakí pujaun untsuka chichajak: “Nantakim wakitkita”, tau. Tusa tima nantaki wetatus uminas Samueljai agá jiinkiajui.