(Jueces) 4:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nuwi Barac jegaa Sabulón wegantu aidaun Neftalí wegantu aidaujai untsuka diez mil aentsun ijumjauwai. Nunik wetai Déborashkam Baracjai weuwai.

(Jueces) 4:10 Iomraidhean Croise

(Éxodo) 11:8

Juju aatus nagkaemakmatai amina atueka takataijum aina nunú ashí tajutuawag tikishmag segatuinak: ‘Aentsjum aidau ashí yajuakam wetajum’, tujutiagtatui. Untsu nuna tujutainachkuig wechattajai”, tiuwai. Nuna tusa faraógka pujusa inamtaijin pujau Moisés kajeka jiinkiuwai.

(Jueces) 4:14

Nunikagmatai Débora Barakan chichajak: “¡Pai, yamai maaniata, Tuke Pujuu Sísaranak amina idaitugmase! ¡Amina suntajum aidau shimamunmak Tuke Pujuu eemak weawai!” tiuwai. Tusa tima Barac muja Tabor pujau niina suntaji aidaun diez mil yajuak akaikiuwai.

(Jueces) 4:6

Tuja makichik tsawantai Abinoáma uchiji Barac Neftalí wegantu aidau nugken yaakat Quedesnum pujuttaman, ujaka utitajum tusa Débora makichik aentsun akuptukui. Dutika ujakam taamtai chichajak: “Tuke Pujuu Israel aents aidau emematin aina nunú Apajuí juna aatus chichaak: ‘Muja Tabornum weti. Nunik nuwi Neftalí wegantu aidaun Sabulón wegantu aidaujai ipaa diez mil aentsun ijumjati.

(Jueces) 5:15

Nuninai Déboranashkam apu Isacar wegantu aidau uyuniagmayi. Nuigtushkam Barakan Isacar wegantu aidau uyuniagmayi. Untsu Rubén wegantu aidauk apu wajiu ainayatak,

(Jueces) 5:18

Untsu Sabulón wegantu aidau, Neftalí wegantu aidaujai maaninak ishamainnum yujasu ainawai.

(Jueces) 6:35

Tuja nuigtushkam Manasés wegantu aidau ujaktajum ijunag atujatkatnume tusa, chichama etsejin aidaun ishiakui. Nuigtushkam Asher wegantu aidau, Sabulón wegantu aidau, Neftalí wegantu aidau ujaktajum tusa ishiakui. Dutikamu nunú ujakajam ditashkam Gedeógjai atuniktatus shiyakajui.