(Jueces) 2:2 - Awajún: Apajuí chichame pegkejam Porciones del Antiguo Testamento y el Nuevo Testamento

² “ ‘Tuja untsu atum aidautigmek juju nugkanmaya aents aina nujaig makichkish chichamak umikaigpa. Ayatak dita apajuímtaiji dakumkamu aina nunú tsaigka utsankatajum’, tiuwaitjime. Tujash atumek duka umigtukchauwaitjume. ¡Yamaikish juju umikugmek, aniau asajum umigtukchau ainagme!

(Jueces) 2:2 Iomraidhean Croise

(Génesis) 12:18

Dutikam waitiak, faraón Abragkan untsuka itan chichajak: “¿Wagka minash jusha jutijuaume? ¿Wagka juju nuwa jusha mina duwajui tusamesh tujutchamume?

(Génesis) 4:10

Tutai Apajuí chichajak: “¿Wagka yatsumesh aikaume? Ame yatsum maakum numpe nugkanum ukagbauwa nunú mina untsujui, suwimak susata tusa.

(Éxodo) 32:21

Nuna dutika Aarógkan chichajak: “¿Juju aents aidaush itugtamkau asamtaiya, amesh ibau pegkegchau takamtikakmesh tunamitkame?” tau.

(Jeremías) 2:18

Tuja yamaish atumesh ¿waji wakegakjumea egiptunmaya suntag aidau asirianmaya aidaujai atujatkatajum tusa ditajai chicham umikmi tusagmesh tajume?

(Jeremías) 2:36

¿Wagka tujash atuniktinjum egaakmesh imanikmesh waugtame? Auk Asiria nugkanmaya aidau idaitamsa antsag Egipto nugkanmayashkam idaitamsattawai.

(Jeremías) 2:5

Tuke Pujuu chichagtamak: “Atumi apachjum aajaku aina dusha ¿waji utugchatan waitjukajaya minash tupanjujush ainawa? Dakumka najanamu pegkegchaun emematu yujau asag, ditashkam nuninuk wajasajui.

(Deuteronomio) 7:16

“Tuja tikich aents aina nunú ijinatajum tusa Tuke Pujuu atumi Apajuíjum tujamkuig, wait anentsuk ijinatajum. Tuja ditá apajuímtaijiya dukesh emematigpajum. Nunú nuniakjumek waitut igkugjum suugtatjume.

(Segunda carta de San Pablo a los Tesalonicenses) 1:8

nuniak suwimkan susatnai Apajuinu dekatan dakitjau aidaun, nuigtú yamajam chicham Apu Jesús pachisa etsegbaun antugkachaju aina nunashkam.

(Primera carta de San Pedro) 4:17

Apajuí aentsji aidauti waittsatnuk yamaik nagkamnae, aatus nu jutiiní waitiamu nagkamna aniaish, yamajam chicham Apajuinua nuna umiinatsu dusha, ¿wajuk nagkankatnuk ainawa?

(Jueces) 2:20

Nuadui Tuke Pujuu ditan kajejuk chichajak: “Juju aents aina juka wi yaunchuk ditá apachji aidaujai chichaman umikuitag nunak uminatsui. Nunidau asag minak umigtuinatsui.

(Jueces) 6:10

Nuadui atumi chichagkun: ‘Witjai Tuke Pujuu Apajuí atum emematin ainajum duka. Nuniau asamtai, amorreo aents aina nuna ememattai aidau dakumka najanamu aina duka ishamkaigpajum’, tiuwaitjime. Tujash atumek minak umigtukchaugme tawai Apajuí”, tusa profeta tiuwai.

(Jueces) 6:8

makichik profetan awetiuwai. Dutikamu nunú ditan chichajak: “Tuke Pujuu Apajuí Israel aents aidau emematin aina nunú juna aatus tawai: Atumi muunjum aidau Egipto nugkanum inaku waitkatai batsatun wi jiijabiajai.

(Jueces) 8:27

Nunú oro yajuakbauwai Gedeón sacerdote nugkutain dakumak najanauwai. Dutika niina yaaktajin Ofrá ejegauwai. Nuna Israel aents aidau ashí emematuinak Tuke Pujuu ememattan idaisau ainawai. Tuja Gedeógkak pegkegnap dutikaja tukama, nuna niina patayi aidaushkam emematuidau asamtai, niinishkam pegkegchau aajakui.