(Jueces) 2:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Untsu nunú apu adaikamu aidau jakamtaig, ataktushkam nunisag Apajuí ememattan kajimatkiag wainka apajuímtai aidaun emematujaku ainawai. Ditak yaunchuk ditá apachji aajaku aina nuna nagkaesau pegkegchau aajaku ainawai. Nunidau asag aents antakchaujai betek ima pegkegchaunak takajaku ainawai.

(Jueces) 2:19 Iomraidhean Croise

(Génesis) 6:11

Tujash nugkanmak Apajuí diismak ayatak tudauk, pegkegchau takat aina duke piyak aajakui.

(Nehemías) 9:28

Dutika ayamjukam machik agkan pujamuik, amina ataktu pegkegchaun takamjutpagmayi. Nunidau asagmatai dita shiwaaji aidau waitkastinme tusam idaisabiume. Dutikam waituinak ataktu amina segapainakui, amek wait anenkagtin wajasuitam iman asam, dita sumamu nayaimpinum pujusa antugkam kuashta ayamjukam agkanmitkauwaitme.

(Éxodo) 32:7

Nuniagtai Tuke Pujuu Moisésan chichajak: “¡Mujá pujam duka wakitkita, amina aentsjum aidau Egipto nugkanum batsatu jiigmayum duka pegkegchaun takainak wi dutikatajum tibaunak uminatsui!

(Jeremías) 23:17

Nunidau asag mina chichamjun dakitin aidaun chichajuinak: ‘Tuke Pujuu tujamui, utugchatak atsugtamiagtatui’, tuinawai. Tuja aents dita wakegamunak takaina nuna chichajuinak: ‘Makichik suwimkakesh jukishtatjume’, tuinawai.”

(Evangelio según San Mateo) 23:32

¡Atumi muunjum nagkamamua duka, atumshakam dutiksagmek ashimkatajum!

(Deuteronomio) 31:29

Wagki wi jakamtaig pegkegchaun takainak wi dutikatajum tiuwaitag nuna idaisagtina nunak wika dekajai. Nuigtush atak tikich tsawan atina duwi Apajuí emtin pegkegchaun taka batsamas Tuke Pujuu kajegka suwimak susam kuashat waittsagtina nunashkam dekajai”, tiuwai Moisés.

(Josué) 24:31

Tuja Josué pujusmataig Israel aents aidauk ima Tuke Pujuunak umijujaku ainawai. Tuja Israel aents aidaun yayaak kuashat waji wainchatai aidaun Apajuí iwainajua nuna apu múun aidau wainkau aina nunú batsamsamtaishkam ima Israel aents aidauk Apajuínak umijujaku ainawai.

(Jueces) 2:18

Tuke Pujuu apu chichama epegkin atinun adaikag tuké yaijakui. Nunú apu aidau batsamsamtaig, Israel aents aidaunak ditá shiwaaji waitkagtaish Tuke Pujuu ayamjujakui, wagki waituinak chichainamun antuju asa.

(Jueces) 2:20

Nuadui Tuke Pujuu ditan kajejuk chichajak: “Juju aents aina juka wi yaunchuk ditá apachji aidaujai chichaman umikuitag nunak uminatsui. Nunidau asag minak umigtuinatsui.

(Jueces) 2:7

Tuja Josué pujusmataig Israel aents aidauk ima Tuke Pujuunak umijujaku ainawai. Nuigtushkam Israel aentsu apuji múun aidau Tuke Pujuu ditan yayaak kuashat dutikauwa nuna wainajaku aidau batsamsamtaishkam, ima Apajuínak umijujaku ainawai.

(Jueces) 4:1

Ehud jakamtai pujusag Israel aents aidauk Tuke Pujuun umigtsuk ataktushkam pegkegchaun takaidau.

(Jueces) 8:33

Gedeón jakamtai batsamas Israel aents aidauk Baal dakumka najanamu aidaun emematuinak Apajuí ememattanak ataktu idaisajui. Tuja dita apajuímawagtinnak Baal-berit aajakua nuna etegkawag nuna emematujaku ainawai.

(1 Samuel) 15:23

Nuadui amek anentaimsam dutikaum duka aents anentaimas dekamin aina nunin wajasume. Tuja kaya esajam inantai apusam, juna diis emematjitnume tau asam, dakumkamun emematin aidau Apajuí diisam pegkegchau aina nunin wajasume. Nuadui Tuke Pujuu amina Israel aents aidaun apuji ati tusa etegtabauwa nunak, ame nii tibau kajimatkiu asamin, niishkam kajimatjamkittawai, tuja niina chichame umitsuk idaisau asamin, niishkam dutiksag idaitamsattawai”, tiuwai.