(Jueces) 2:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Nuadui Tuke Pujuu Israel aents aidaun kajejuk dita wajiji aidaun shiwag aidau kasajug yajutkatnume tusa idaisauwai. Nuigtushkam Israel aents aidau batsatbaunum nuna yantamen ditá shiwaaji aidau batsata nunú jetekag depetuk amuktinme tusa idaisauwai. Nuadui Israel aents aidauk ayamjumamainchau wajasui.

(Jueces) 2:14 Iomraidhean Croise

(2 Samuel) 7:11

Tujash amek yamaik amina shiwaajum aidaujaig maanitsuk agkan pujustatme. Nuigtushkam amina uchijum wegantu aidaunmaya Israel aents aidaun apuji atinai.

(Nehemías) 9:27

Nuadui dita shiwaaji aidau waitkastinme tusam idaisauwaitme. Dutikam batsamas waituinak amina segapajabi. Tusa segapainakui, amina anenkem múunta iman asamtai, nayaimpinum pujusam dita sumamu antugkam, ditan ayamjuk agkanmitkatin aidau aents etegtujuitme.

(Isaías) 42:24

Jacob wegantu Israel aents aina nuna shiwag aidau utsaantuawag kasajuinak waitkaina nunash, ya dutikati tima dutikainawa duka atumek shiig dekagme. ¿Tuke Pujuuchukait nuna dutikau? Israel aents aidauk Apajuín pegkegchau takamjusu ainawai, nuninak, Apajuísh ditanash wajuk pujustinme tiyamkiyi nunash umikchau ainawai, núnidau asag nii jintintuawa nuna umitnash dakitjajui.

(Isaías) 50:1

Nuigtushkam Tuke Pujuu chichaak: “Israel aents aidauwah, wika atumin egaknush wainkachmaijime. Untsukmaijime, tujash aigkashmaijume. Wika atumnak pachitskek idaisachuitjime; tuja mina diwig akikmaktinun kuichkin jukitag tusankesh wainka inaku waitkatai atinme tusanuk sujukchabiajime. Wika atumi tudaugmin idaisabiajime. Tujash atum waitu batsatjum nuna jiiki uwemtikmainuk mina senchijuk ajutui. Aents patayi jakamtai, jáanch bukusean nugkuwama numamtuk nayaimpinak wi bukuseayai dukukan idaijai. Tuja nayants, nuigtu namak aina nunú kuyuatag takug wi nunikti tusan machikiuch tamawaitak kuyumainai. Nunik yumi buku wajasmatai, namak aidau jinaa kaukti tusa nunak nunimainai”, tiuwai.

(Jeremías) 37:10

Tuja atumin ataktu jetepainakui, atum ashí ijinawagminish, ujumak aents kupinau aidau dita aakjin juwaju aina nunú ataktu nantajag atumnak depetamak atumi yaaktajinak jiiyai ekemakagtatui”, tiuwai.

(Deuteronomio) 32:30

Atumesh anentaimsagmesh diyagmek, ¿atumi shiwaajum aina nuwiya suntag ima makichkitak mil suntag Israel aents aidaun ipisig ishiakua dusha? ¿Tuja atumi shiwaajum jimagchik suntajaitak, diez mil suntag Israel aents aidaun ipisjauwa dusha? Nunak Tuke Pujuu atumi kuitamjamna nunú, shiwag aidau depetuk amuktinme tusa tiu asamtai dutijamau ainawai”, tiuwai.

(Jueces) 2:20

Nuadui Tuke Pujuu ditan kajejuk chichajak: “Juju aents aina juka wi yaunchuk ditá apachji aidaujai chichaman umikuitag nunak uminatsui. Nunidau asag minak umigtuinatsui.

(Jueces) 4:2

Nuniagtai Jabín canaágnumia aents aidaun apuji, yaakat Hasornum inamajakua nunú, Israel aents aidaun depetuk amuktinme tusa Tuke Pujuu idaisauwai. Jabígkan suntaji aidaun apuji aajakui Sísara. Duka Haróset-goím tutainum pujujakui.