(Jueces) 2:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tuja Josuéjai betek batsamajaku aina dushakam múun waigkag jinawajui. Nunú jinawaju ai batsamas akiinkau aidauk Tuke Pujuunak dekajakchau ainawai. Tuja Apajuí ditan ayamjak wainchatai aidaun kuashat iwainajua nunakesh dekachaju ainawai.

(Jueces) 2:10 Iomraidhean Croise

(Génesis) 15:15

Tuja untsu amek shiig muumpakim agkan pegkegnum jakattame. Nunikamin amina uchijum aidau ukugmasagtinai.

(Génesis) 25:17

Ismaelak ciento treinta y siete mijan pujus, jakauwai, nunik jakamtai ukusajui.

(Génesis) 25:8

Nunik shiig múuntuch wajas, jakauwai. Nunikmatai ukusaju ainawai.

(Génesis) 49:33

Juna aatus Jacob niina uchiji aidau umikagtinun ujaka ashimak, pegajin ataktu tepesui, nunik nuwig jakauwai.

(2 Samuel) 7:12

“ ‘Untsu ame jakamin uchijum aina nuwiyan makichik etegkan apu adaikattajai.

(Éxodo) 1:6

Josék niina yachi aidaujai, tikich aents aidau nunú tsawantin batsamajaku aina nujai nuwi batsamas ashí jinawaju ainawai.

(Éxodo) 1:8

Imanikaju ai kuashat mijan asa Egipto nugka apuji yamajam, José niina patayi aidaun ayamjak dutikauwa nuna makichkish dekachu ekemiuwai. Nunú egiptunmaya aidaun chichajak:

(Éxodo) 5:2

Tutai faraón ayaak: “¿Yaita dusha Tuke Pujuush, wi niina chichamen antugkan, Israel aents aidaun shiyaktajum tusa idaisatnunash? ¡Wika Tuke Pujuunak wainchaujai, nuigtushkam Israel aents aidaunak shiyaktinme tusanuk idaisashtatjai!” tau.

(Jeremías) 31:34

“Nuadui makichik aents mina chichamjun unuimag tikichi jintinmainuk makichkish atsumnashtinai, wagki nunú tsawantinig uchi aidau nagkamas múun aidaushkam ashí mina chichamjunak unuimajagtinai. Tuja wi dita tudaujinak ashí tsagkujatnaitjai. Ataktu awagkinuk dita tudaujinak adeagchatnaitjai. Witjai Tuke Pujuunuk, nunak dekas uminkatnun tajai”, tiuwai.

(Números) 27:13

Nunú nugka wainkam, duwi amina yatsum Aarón jakauwa nunismek, ameshkam jakattame.

(Evangelio según San Lucas) 20:32

Nunikagmatai dui pujus nuwashkam jakauwai.

(Los Hechos de los Apóstoles) 13:36

Dekaskenmag Davitak ni weantu aina nuig Apajuí dutikata tibaunak ashí imatiksag umik jakauwai, nunikmatai niina muunji ukumataijinig ukusam kaujui.

(Deuteronomio) 31:16

Nuwi Apajuí Moisésan chichajak: “Ame jakatnuk namput wajaschae. Nunika jakamin juju aents aina duka nugkan jukiagtata nuwi jegawag, nuwa aishin ukuak tikichjai weama numamtuk nuwiya aents aidau apajuímtai aina nuna emematuinak minak kajimatjukiag, wi ditajai chichaman umikuitag nunashkam umikchagtinai.

(Segunda carta de San Pablo a los Tesalonicenses) 1:8

nuniak suwimkan susatnai Apajuinu dekatan dakitjau aidaun, nuigtú yamajam chicham Apu Jesús pachisa etsegbaun antugkachaju aina nunashkam.

(Carta de San Pablo a Tito) 1:16

Apajuinun dekauwa iman chichagmamainawai, tujash dita takaamujin wainak tuina duka wainnawai; ditak dakittsá diimain, yajau, makichkish pegkegnak takamainchau ainawai.

(Josué) 24:31

Tuja Josué pujusmataig Israel aents aidauk ima Tuke Pujuunak umijujaku ainawai. Tuja Israel aents aidaun yayaak kuashat waji wainchatai aidaun Apajuí iwainajua nuna apu múun aidau wainkau aina nunú batsamsamtaishkam ima Israel aents aidauk Apajuínak umijujaku ainawai.

(1 Samuel) 2:12

Elí uchiji aidauk pegkegchau aidau asag, Tuke Pujuunak ajantus diijakchau ainawai.