(Jueces) 16:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tuja Dalila Sansógkan chichajak: “¡Tsanujaume! ¡Amek minak dushiktakum tujutiume! Tujash dekas yamaik wait aneasam tujutta, itugkaya emetmainush amainaitme nunú”, tiuwai.

(Jueces) 16:10 Iomraidhean Croise

(Ezequiel) 33:31

Nunik kaunawag ame chichamun antukagtatus tuke nunin asag, aminí ayaumas pekajui. Amek dita diismak aents kantamtan yacha pegkegchin anenkan kantamnujai betekaitme, ditak senchi wakegainawai ame chichamun antukagtatus. Tujash ditak kuichkin ima puyatjuinawai. Nunidau asag ame chichamunak antugtamainayatak uminatsui.

(Evangelio según San Lucas) 22:48

Nunitai Jesús chichajak: —Judasah, ¿Aentsmaga akiinauwa duka kugkuasmeap sujame? tiuwai.

(Jueces) 16:11

Tusa tutai Sansón ayaak: “Soga yamajam makichkish takashtaiyai jigkatjagmataig, tikich aents senchigtuchu aina nujai betek amainaitjai”, tiuwai.

(Jueces) 16:13

Dutikamtai Dalila niina chichajak: “¿Wagka ima tsanugme? ¡Amek minak tuke tsanugme! ¡Itugkaya emetmainush amainaitme nunú tujutta!” tau. Tusa tama Sansón ayaak: “Kakaumainchau wajasti tujutkumek, mina intashig siete chapikmagmawa nunú jáanchjai ijumjam jáanch apataiyai apijam, nuadui numi ajiam nuwi jigkamainaitme. Dutikawamin tikich aents senchigtuchu aina nujai betek amainaitjai”, tiuwai. Tusa timatai Dalila Sansógkan ikanag aepes intashi siete chapikmagbaun ijumag jáanch apataiyai apijauwai.

(Jueces) 16:7

Tusa tama nii ayaak: “Siete daek samek aidauwai jigkatjagmataig, tikich aents aina nujai betek senchigtuchu amainaitjai”, tiuwai.

(Jueces) 16:9

Dutika jigkaja, aents aidaun yaunchuk niina kanutaijin uuka batsasu asa, untsumak: “¡Sansógka, filisteo aidau jetepainawai!” tau. Tusa tutai Sansón nantak nunú daeknak apeamujai betek tsujiajui. Dutikamtai filisteo aidauk wagkag ibau senchigtinaita nunak dekamainchau dekapjajui.