(Jueces) 14:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Nunú treinta aents aidaun Sansón chichajak: “Makichik anentaimsa aimtain iniastajime. Dutikamtai nuwenbau siete tsawan asa atata duwi ujatkatajum wajina takunua taja nunú. Nunú betek ujatkagminig maki makichik jáanch shiig pegkeg lino najanamun, nuigtu nuwenbaunum weaku nugkutai aidaujai amastajime.

(Jueces) 14:12 Iomraidhean Croise

(Génesis) 45:22

Nuigtushkam dita nugkugtinun maki makichik jáanchin tinamiuwai. Untsu Benjamígkan cinco jáanchin nugkutain susauwai, dutikak nuigtushkam trescientos kuichik plata najanamun susauwai.

(1 Reyes) 10:1

Salomógkak Tuke Pujuu yayamu asa, shiig yachai tusa augmatuinamun Sabá nugka apuji nuwa aajakua nunú antukui. Nunik dekas yachashit tusa dekapsatatus Jerusalén weuwai.

(2 Reyes) 5:22

Tama nii ayaak: “Atsa, utugchatak atsawai. Untsu mina apug Eliseo profeta datsa aidau Efraígka nugkenia kaunawaju asamtai, nunú susatin ame weme tres mil kuichik plata najanamu, nuigtu jimag jáanch nugkutaijai sega utita tusa tujutmatai minajai”, tiuwai.

(2 Reyes) 5:5

Tusa ujaam apu chichaak: “Dekas tame, wetá, ame wegakmin papii agajan, Israel aents aidaun apujin akuptuktajai yaimpakti tusan”, tiuwai. Tusa tima Naamán kuichik plata najanamun treinta mil juki, nuigtu kuichik oro najanamun juki, nuigtushkam diez jáanch nugkutai aidaun profeta akiktinun aatus yajuak niina inake aidaujai weuwai.

(Proverbios) 1:6

Wagki niig aents yacha shiig anentaimkau aidau tuja dita apachji augmattsamu, etsegbaun, tuja adivinanza jintiamu aidaun aatus antuka unuimagtag tau asa.

(Proverbios) 31:24

Nunú nuwak jáanch aidaun akachumtai aidaujai najanak, waji sujin aidaunum sujawai.

(Evangelio según San Mateo) 13:13

Nuadui ditanak augmatbaujai pachisan jintinjai; wagki ditak wainainakush wainchau wajukmaina nuninak, antuinakush antachu wajukmaina nunidau asagmatai.

(Evangelio según San Mateo) 13:34

Jesusak ashí augmatbau aina nujai aents aidaunak jintintujakui, augmattsukek jintinkagtuachui.

(Evangelio según San Mateo) 27:28

Nunikag jaanchin awitkag tikich jaanch kapantu nentetkaun anugjaju.

(Evangelio según San Mateo) 6:19

“Jujú nugka jui wajiin mamuk emesmain, nuniachkush kawanchjumain, kasashkam wayá kasamain aina juninnum wiyakchameatasagmek wakeyigpajum.

(Evangelio según San Lucas) 14:7

Nuwenbaunum ipaamu aidau aents eme anentsá ekentsatin aidaun etegkawag pekabiagtai, juna augmatu:

(Evangelio según San Juan) 16:29

Tutai jintintaiji aidau chichainak: —Makichik augmatbaukesh tutsuk, yamaik paan tukagtiume, tuidau.

(Primera carta de San Pablo a los Corintios) 13:12

Yamaik espejonum tuujin waintayama numamtuk wainji, tujash jegatnai igkunisa wainiaktinaitag nunú. Yamaik machik wainji, tujash jegatnai Apajuí ni mina waitkauwa dutiksanuk wainkatnaitag nu.

(Carta de San Santiago) 5:2

Atumin wajiigmik mamukaje, jaanchjum aidaunash mamuk amutjamkaje.

(Jueces) 14:11

Tujash filisteo aidauk ishamkagtuidau asag, treinta datsauchin ipauwai, Sansón nuwentai uyunainak batsamsatin aidaun.

(Jueces) 14:13

Untsu nunú betek aimkachjumek, jáanch shiig pegkeg lino najanamu, nuigtu jáanch nuwenbaunum weaku nugkutai aidaujai mina sujustatjume”, tiuwai. Tusa tama dita aimainak: “Ame waji tame nunú tita antukmi nunika aimkagmi”, tuidau.