(Jueces) 13:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Makichik tsawantai Apajuí ángeltsukaita tumain nayaimpinmaya nunú nuwan wantintuk chichajak: “Amek yaunchuk nagkamsam uchigmachuitme. Tujash yamai ejapjuktatme, nunikam uchi aishmag uchigmaktatme.

(Jueces) 13:3 Iomraidhean Croise

(Génesis) 17:16

Niina pegkegnum yumigsattajai, dutikakun niyai makichik uchin amastatjai. Dekaskenum wi niinak pegkegnum yumigsattajai. Nuadui kuashat aents nugka múun aidaunmayan dukuji atinai. Tuja ame uchijum wegantushkam nugka múun aidaun apuji agtinai”, tiuwai.

(Génesis) 18:10

Tusa timatai nuwiya makichik chichaak: “Tikich mijan atata duwi ataktu tajuan ijagsattajame, tujash nunú tsawantinig amina nuwem Sara uchiji ajittawai”, tiuwai. Tusa tutai Sara aaknum Abrahaman ukujin waitinum wajasa, antu wajau.

(Génesis) 18:14

¿Apajuí makichik waji tujinka dutiktsuk idaimainush awak? Tikich mijan atata duwi amina ijagsatasan ataktu tajuattajame. Nunú tsawantin Sara uchiji ajittawai”, tiuwai.

(2 Reyes) 4:16

Nunikmatai Eliseo nunú nuwan chichajak: “Tikich mijan atata duwi yamai tsawanta juniai, uchi uchigmakam pagkuaku atatme”, tiuwai. Tama nii Eliseon ayaak: “Mina apujuh, amek Apajuí etegkamuitam iman asam minak tsanujaipa”, tiuwai.

(Evangelio según San Lucas) 1:11

Nuniai Apu Apajuí angelji Zacariasan wantintuk, altar incienso apetainum ayaumas untsugnumanini wajantau.

(Evangelio según San Lucas) 1:13

nunitai ángel chichajak: —Zacariasah ishamkaipa, wagki ame Apajuí augbauk antuekae, nuniau asamtai nuwem Elisabet aishmagkun uchigmakmatai Juan adaikattame.

(Jueces) 13:10

tupikaki weuwai ujaktatus. Nunik ujaak: “¡Aentsun wi wainkabiag nunú ataktu wantintugkae!” tiuwai.

(Jueces) 13:15

Tusa tama, Apajuíyap ángeljai betek wantintujuk tujutua tachau asa chichajak: “Wait aneasam juwi jutijai juwakta, nunikamin chivo tsakatan maa inajuamtai yuwami”, tau. Tusa tama nunú ángeljai beteka nunú niina ayaak: “Wi juwi juwaknush amina yutaigminak amejai jimagtuknuk yumaitsujai. Untsu chivo tsakat maam nuna neje ashí apeakum Tuke Pujuu emematta”, tiuwai.

(Jueces) 13:6

Tusa tima aishin ujaktatus wejiuwai. Nunik jegaa ujaak: “Apajuí ángeljai betek wi pujamunum tajutuame. Nuniakui senchi puyatkamjai, wagki Apajuí ángeljai betek asamtai. Yaitpa tusanuk wikish iniaschamjai, tuja niishkam niina daajinak tujutchame.

(Jueces) 13:8

Tusa ujakam Manoa Tuke Pujuun segaak aatus tiuwai: “Apujuh, ame aents awemaum nunú ataktu awekagtita tusan segajame, nunú taa uchi akiinkuish itugkattaji nuna ujapakti taji”, tiuwai.

(Jueces) 2:1

Apajuí ángel tumain Guilgalnumia juwaki Boquimnum weuwai. Nunik jegaa Israel aents aidaun chichajak: “Atumnak Egipto nugkanum batsatutigmin wi jiigmaijime. Dutikan juju nugka juna atumi muunjum aidaun anagkuakun, atumi uchijum wegantu aidaun susatnaitjai, tiuwaitag nuwi itajime. Ditan chichajuinakun: ‘Wi atumjai chichaman umikag nunak tuké umiktinaitjai’, tiuwaitjai.

(Jueces) 6:14

Tusa tutai Tuke Pujuu niina pempeentuki chichajak: “Israel aents aidaun Madián aents waitkaina duka ame ayamjuktatme. Wi aminak awemajame”, tiuwai.

(1 Samuel) 1:20

Nuadui Ana ejapjuk pujus tsawanji jegamtai, uchi aishmagkun uchigmakui. Dutika adaikauwai Samuel. Nunak “Apajuí segamu” taku tawai.