(Jueces) 13:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Israel aents aidauk Tuke Pujuu umigtan kajimatkiag ataktushkam pegkegchaun takaidau. Nuniagtai Tuke Pujuu ditan idaisauwai. Dutikamtai filisteo aidau cuarenta mijan waitkasu ainawai.

(Jueces) 13:1 Iomraidhean Croise

(Carta de San Pablo a los Romanos) 2:6

Apajuik, makí makichik aents wajuk takasaje, nuna diijus dutiksag susatnai.

(Carta a los Hebreos) 11:32

¿Nuigtush wajinak titaja? Gedeogkan, Baracan, Sansogkan, Jefté, David, Samuel, nuigtú tikich profeta aina nuna pachisa tita takunuk tsawantan atsumainaitjai.

(Jueces) 14:4

Tuja Tuke Pujuu yaunchuk emtika nuniktin ati tusa tibaunak niina apajig dukujijaig dekajakchau ainawai. Tuja nunú tsawantin Israel aents aidaun filisteo aidau waitkaidau asamtai, wajuk waintuanuk filisteo aents aidaun ijinkun Israel aents aidaun agkanmitkawag tau asa tiuwai.

(Jueces) 15:11

Tusa tiagmatai nuna antukag, tres mil aents Judá wegantu aidau Etamnum kaya múun waa aunum nuwi Sansón pujau asamtai shimutkauwai. Nunik jegawag nuwi pujuttaman wainkag chichajuinak: “¿Amek dekatsmek filisteo aents aidau iina nagkaetamsau senchigtin aina duka? ¿Wagka jutikamesh utugchatash itagkagtuaume?” tuidau. Tusa tama Sansón ditan ayaak: “Wika dita pegkegchau takasbaujin dutiksanuk iikamjai”, tiuwai.

(Jueces) 15:20

Sansógkak veinte mijan Israel aents aidaun yaigkui. Nunak filisteo aidau nunú tsawantin Israel aents aidaun ashí depetuk waitkajaku aina nunú tsawantin niig takasui.

(Jueces) 2:11

Israel aents aidaun uchiji aidauk Tuke Pujuu diismak shiig pegkegchaun takajaku ainawai. Nuniau asag wainka apajuímtai Baal aajakua nuna emematujaku ainawai.

(Jueces) 4:1

Ehud jakamtai pujusag Israel aents aidauk Tuke Pujuun umigtsuk ataktushkam pegkegchaun takaidau.

(Jueces) 6:1

Tuja Israel aents aidauk Tuke Pujuun intimjukiag ataktushkam pegkegchaun takajaku ainawai. Nuniagtai nii madiágnumia aents aidau siete mijanai waitkastinme tusa idaisauwai.

(1 Samuel) 12:9

“Dutika ikaunmam batsamsash ima Tuke Pujuu dita Apajuíjinak umigtsuk kajimatkiu ainawai. Nunidau asagmatai dita shiwaaji aidau depetkatnume tusa Tuke Pujuu timatai, Hasornumia suntag aidaun apuji Sísara aajakua nunú niina suntaji aidaujai depetuk amukajui. Tuja nuigtushkam filisteo aidau, moabnumia aents aidau aatus ditanak depetuk amuku ainawai.

(1 Samuel) 4:9

¡Nuniau asamtai, hebreo aidau atumi inake aajaku aina nujai betek ditá inake atumesh atag tachakjumek, suntag filisteo aidautijum umintsatajum, nunikjum aishmag wajasjum senchi maaniatajum!” tuidau.

(1 Samuel) 7:13

Dutika depetkamu asag filisteo aidauk ataktu awagkig Israel aents aidau nugken waintuag waitkaschau ainawai. Tuja Samuel iwaku pujusmataig, Apajuík filisteo aidaunak tuké ijinajakui.