(Josué) 5:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Nuwi batsataig Tuke Pujuu Josuén chichajak: “Israel aents aidau Egipto nugkanum wainka inaku waitkatai asag datsaamajaku aina nunak, yamai nagkamsan dita datsantinak emegkatjajai”, tiuwai. Nuadui nunú nugka daajiya duka Guilgal tibau aajakui. Duka yamaikish tuu daagtinai.

(Josué) 5:9 Iomraidhean Croise

(Génesis) 34:14

juna aatus tiajui: “Jutiik iina umayig aishmag tsupimakchau aidauk sumaitsuji, duka iniig shiig pegkegchau datsan amain asamtai.

(2 Samuel) 19:15

Nuna dekaa apu David niina aentsji aidaujai wakitkiag namak Jordágnum jegawajui. Nuninai Judá wegantu aidaushkam David niina aentsji aidaujai Jordán katiniagtai, yaigkagtatus shimutuinak Guilgal jegawajui.

(Oseas) 4:15

Israel aents aidauwah, atum aidautijum, wainka apajuímtai yujagjuminish, Judá wegantu aidauk atum pegkegchau takajum nunak takaschagtatui. ¡Guilgalnum, tuja Bet-avénnumshakam dakumka najanamu ememattai aina duka emematigpa! ¡Nuigtush Tuke Pujuu daajin umiktatjai tusagmek tuu yujaigpajum!

(Amós) 5:5

Dakumkamu aidau ememattasajum Betelnum wetin aigpajum. Nunú nuniakjumek ijina utsam atatjume. Tuja Bershebanmakesh wetin aigpajum, nuniachkugmesh Guilgala nunigkesh nagkaemaktin aigpajum, wagki nuwiya aents aidaunak ashí achijag yajuakagtinai. Tuja Betelak tsaikam uwejush wajas asatnai.

(Miqueas) 6:5

Mina aentsug aidauwah, Moab nugkan apuji Balac atumin pegkegchaunum yumigtamjatag tuyi, tujash Balaam mina daajui atumin pegkegnum yumigtamjabia nunú adeagtajum. Tuja nuigtushkam Sitim nugkanum juwaki, Guilgal shimamunmash waji utugchat igkugkabiugme nunú kajimattsuk aneaku atajum. Nuniakjum, dekas Tuke Pujuuwap yaimpakuita titajum”, tiuwai.

(Josué) 24:14

“Nunú ashí anentaimtusjum Tuke Pujuu eme anentsa emematkujum dekaskenum umigkatajum. Tuja yaunchuk atumi muunjum aidau namak Eufratesa amain etsa minitaiya nuni batsamas ditá apajuímtai aidaun emematujaku aina duka idaisatajum. ¡Nunikjum ima Tuke Pujuuk umigkatajum!

(Josué) 4:19

Israel aents aidau Jordágnum katiaju aina nunak mijan nagkamnamu yama nagkamchak nantu taka tsawan diez tsawaju ai katiajajui. Nunikag yaakat Jericó yantamen etsa minitaiya nuni nugka Guilgal tutainum aakmajag batsamsajui.

(Josué) 5:8

Dutika ashí tsupijajam nuna esamawagtatus dita batsatbaunmak juwakajui. Nunik batsamas ashí tsagagkajui.

(1 Samuel) 14:6

Nuwi wesag Jonatán niina kumpajin, chichajak: “Weajai au nagkaiki atú amainia awi aents pegkegchaun takau aidau batsata nunú jegajua Tuke Pujuu yaimpasmatai maaniami, wagki kuashat akuish, nuniachkuish ujumchik akuish, iik Tuke Pujuu yaimpasmatai depetmainaitji”, tau.

(1 Samuel) 17:26

Tusa tuinamun David shiig antukchau asa niijai ijunun iniak: “Au filisteo, Israel aentsun atsaneak waitka nuna makichik aents maa agkan emamtaish ¿wajina apush sumainai tawa? Filisteo pegkegchaun takauwa dusha niish ¿ya asaya aannush Apajuí suntaji aidaunash pegkegchaun chichajush wekaewa?” tau.

(1 Samuel) 17:36

Dutiksanuk au filisteo aents Apajuí Tuke Pujuuwa nuna aentsji aidaun dushikiak atsanea nunak maattajai.

(1 Samuel) 7:16

Nii pujus Israel aents aidau utugchatjin epegtak maki makichik mijadai yaakat Betel, Guilgal, Mispá aatus wekagajakui.