(Josué) 5:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Israel aents aidau katiagtinme tusa Tuke Pujuu namak Jordágkan ukuyua buku awajsae tabaun amorreo aents aidaun apuji aidau Jordágka amain etsa akaetaiya nuni batsamin aidau dekawajui. Tuja canaágnumia aents aidaun apuji aidau nayants Mediterraneonum batsamin aidaushkam dekawajui. Nunikag senchi ishamkag Israel aents aidaujaig kakaja maaniachmin dekapedau.

(Josué) 5:1 Iomraidhean Croise

(Génesis) 12:6

Nunik jegaa, nuwi juwaki tikich nugkan amaka nagkagag wea weakua yaakat Siquemnum jegaa Moré tutainum numi encina ayaunum amamak, canaágnumia aents aidau batsatbaunmak niishkam nuwi pujusui.

(Génesis) 48:22

Tuja aminak yatsum aina nuna nagkaesau pegkeg yumigkin amaajai: Wi amorreo aents aidau depetka jujukbau, nugka Siquem tutaya nuna amaajai, nunú jukitin ata”, tiuwai.

(1 Reyes) 10:5

Nuigtushkam niina yutaiji aidau shiig kuashat ayau, tuja niina suntajin apuji aidau batsamtaijishkam shiig pegkeg umikbau, nuigtush niina takajin aidaush, nii uwagtinjin shikika su aidaujai shiig iwagmamkau aidau, tuja nuigtushkam kuntin duwejam shiig pegkeg aidaun sacerdote aidau Apajuín emematuinak maa ashí apeamu aidaun, aatus ashí wainak puyatus anentain jegagchauwai.

(Isaías) 41:5

Wi dutikamunak yaakat nayantsanum ijus batsamin aidauk wainin ainawai. Nuna wainainak senchi sapigmainawai. Nugkashkam ashí yantamnum uujui. Aents tikich nugkanmaya aidau ijunjagtatus ashí kaunawag mininawai.

(Daniel) 5:6

senchi ishamak kujaak yapinig puju wajasu.

(Amós) 2:9

Israel aents aidauwah, wi atumnak Egipto nugkanum waitu batsatutigmin jiigmaijime, dutika yajuakan wi kuitamsan cuarenta mijan uwegshunum awekasuitjime. Dutikakun atumi shiwaajum amorreo aents aidau shiig senchigtin esajam wajatpakin aidaunak ashí ijinan dita nugken atumin amasuitjime.

(Números) 13:29

Untsu Néguev nugkanum Amalec aents aidau batsaamae. Tuja hitita aents aidau, Jebús aents aidau, amorreo aents aidau mujanum batsaamae. Untsu nayantsanmanini, tuja namak Jordágnum canaágnumia aents aidau batsaamae”, tuidau.

(Josué) 24:15

Tuja atum Tuke Pujuu umigkatasa wakegashkugmek, yamai titajum ya umigkatag tajume nunú. Yaunchuk atumi muunjum aidau namak eufratesnum batsamas dita apajuímtaiji aidaun emematujaku aina duka ememattag tajum, atsa nuniachkugmesh amorreo aents juju nugkanum batsamin aina nuna ememattai aina duka ememattag tajum, nunú titajum. Tuja atum Tuke Pujuu emematut dakitakjuminish, ¡wika mina pataag aidaujai Tuke Pujuun umigkun ememattatjai!” tiuwai.

(Josué) 3:16

Nuninaig namakak kuyua buku wajas asauwai. Duka peegmagbau Saretag tutai awa nujai niiniaku yaakat Adam tutai awa imanui nagkamas namak tsujina yumi nujinum pimutai, tsumujin namak juwakuk sae saekawa nayants jakau tutainum nagkankauwai. Aatus Apajuí namakan akanak ukuyuamtai, Israel aents aidauk yaakat Jericón igkuas katiajajui.

(Josué) 3:17

Sacerdote aidau chicham umiktin agagbau egkeamun arcan yanaki juki wedauk nuna yanasag namak Jordán kuyua buku wajasbaunum ejapeen ijunai, Israel aents aidauk bukunum shiig katiajaju ainawai.

(Apocalipsis) 18:10

imanik waittai ishamainak ikaag ijunas: “¡Wait anentajame, wait anentajame Babilonia ame yaakat muun senchigtin aajakuitkum, makichik horaya duik suwimak juamu ajutjamsa dui!”, awajiagmayi.

(Jueces) 4:2

Nuniagtai Jabín canaágnumia aents aidaun apuji, yaakat Hasornum inamajakua nunú, Israel aents aidaun depetuk amuktinme tusa Tuke Pujuu idaisauwai. Jabígkan suntaji aidaun apuji aajakui Sísara. Duka Haróset-goím tutainum pujujakui.