(Josué) 4:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Tuja nuigtushkam maanitan yacha Rubén wegantu aidau, Gad wegantu aidau, Manasés wegantu jimaituk maaniaku jutai aidaun yajuakag uminas tikich Israel wegantu aidau shimamunum eemak, Moisés nuniktajum tibaunak imanisag shimuidau.

(Josué) 4:12 Iomraidhean Croise

(Éxodo) 13:18

Nuadui dekas jinta uwegshun tentea wea nuni nayants kajis ain tutaya aatus wetinme tiuwai. Nuadui Israel aents aidauk Egipto nugkanum batsatu jiinag shimak, suntag maaniatatus shimumaina imaanik shiyakajui.

(Deuteronomio) 33:21

Israela uchiji aidau maki makichik wegantu aina nuna apuji aidau Canaán nugkan tesagdayagtaish, Gad wegantu aidau ima muuntan jukitnai apu aidau juinamujai betekak. Dita aidauk ame dutikata timauwa nuna umikagtin ainawai. Dita aidauk pegkegnum chichajam agtinai, wagki ame Israel aents aidau umiktajum timauwa nuna umidau asag”, tiuwai.

(Josué) 1:14

Nuadui juju nugka namak Jordágka amain ii pujag juna Moisés atumin amasua juwi, atumi nuwe aidau, uchijum aidau, tagkujum aidaujai batsaktajum. Untsu ashí aents maanimain aidautigmek maaniaku jutai aidaun yajuaka umintsajum, Jordágka amain katiagjum atumi yatsum aidau maaninakui atuktajum.

(Josué) 4:11

Nunik ashí katiajagmatai, nuadui sacerdote aidau chicham umiktin agagbau egketun yanaki ijunu ditashkam katiajajui, nunikag dita emkajui.

(Josué) 4:13

Nunú aidauk shiig uminas cuarenta mil aents tumain jiinjag chicham umiktin agagbau egketun juki wegagtai nuwi ichichmamjag, nugka paka tepajunum yaakat Jericónmanini shiyakajui.