(Josué) 4:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tuja sacerdote aidau chicham umiktin agagbau egketun arcan yanaki jukiag wedauk namak Jordán kuyua buku wajasmatai nuna ejapeen ijunai, Israel aents aidauk Tuke Pujuu Josuén akateak juna umiktinme tibaunak imatiksag umikajui. Tuja Josuéshkam Moisés akatjamunak imatiksag umikui. Nunikmatai aents aidauk shiig wamak katiajajui.

(Josué) 4:10 Iomraidhean Croise

(Éxodo) 12:39

Nunik shimuinak, yujumak inagmain tsawan atsutai yumainun inagkachaju asag harina levadurajai pachimtsuk nanegbau egiptunmaya jukimujin nuna pagkan najanak inagkajui.

(Proverbios) 27:1

Kashin nuna imatikan takastatjai tusamek emtikamek tumamipa, wagki amek dekatsme kashinish wajukatamki duka.

(Eclesiastés) 9:10

Ashí ame takamain ajutjamkuig, duka ame dekapmamsam takasta; wagki ame jakam wetatam nuwig takamainuk, tuja dekatan jukitjai tusa waitmainchakam makichkish atsutnai.

(Isaías) 28:16

Nuadui Tuke Pujuu chichaak: “Siógnum makichik kaya etegkamu shiig pegkeg akikan apusattajai, nunú atatui dekas ima eme anentsa diitai. Nunú kayanum ekeni jegamnaktatui. Nunú kayanum kajinas anentaimaidauk shiig agkan batsamsagtinai.

(Segunda carta de San Pablo a los Corintios) 6:2

Wagki Ni aatus tawai: “Tsawan wi antugmain jegau asamtai untsugkumin aikmajame, dutikan tsawan uwemainjum jegagtamatai yaigmajame”. Nu tsawantak yamaiya juuwai Apajuí aigmamainuk. ¡Yamaiya juuwai tsawan uwemaina dushakam!

(Deuteronomio) 31:9

Juju chicham umiktin aina nunak Moisés agajui. Tuja sacerdote Leví wegantu aidau Tuke Pujuu chichame umiktin agagbau egkeamun arcan yanakiag shimujakajua nuna ashí Israel aents aidau dita apuji aidaujai kuitamkatnume tusa susauwai.

(Josué) 24:11

Dutika ayamjukbau asajum namak Jordán katitkajum Jericó kaunawaitjume. Tuja Jericónum batsamin amorreo aents aidau, Canaán aents aidau, hitita aents aidau, gergeseo aents aidau, heveo aents aidau, Jebús aents aidau aatus atumjai maaniawajui. Tujash wi ditanak atumin idaitusuitjime. Nuadui atum depetka amukuitjume.

(Josué) 3:13

Tuja Tuke Pujuu ashí aents aidaun Apajuíjiya nuna chichame umiktin agagbau egkeamu arcan sacerdote aidau yanaki jukiag yuminum wajawagtatui. Nuniagtai, namakak jimaituk tesana buku wajas katigtatui. Nunitai yumi nujinmaya minaush, jasa muja iman wajas asattawai”, tiuwai.

(Josué) 4:11

Nunik ashí katiajagmatai, nuadui sacerdote aidau chicham umiktin agagbau egketun yanaki ijunu ditashkam katiajajui, nunikag dita emkajui.

(Josué) 4:9

Tuja Josué niishkam dutiksag namak kuyua buku wajasbaunum, nuna ejapeen sacerdote aidau chicham umiktin egkeamun arcan yanasa ijunbaunum, nuwi doce kayan yajuak ijumjauwai. Duka yamaikish awai.