(Josué) 2:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ “Tuke Pujuu atum aidautigmin juna nugka amasaja nunak wika dekajai, wagki atumin senchi ishamjamkatnume tusa Apajuí tine. Nuadui ashí aents juju nugkanmaya aidauk atumin ishamjamainak sapijai jinuinawai.

(Josué) 2:9 Iomraidhean Croise

(Génesis) 35:5

Dutika ukuak jiinag shimutai, nuwiya aents aidaun Apajuí senchi sapigmitkakui ditan pataetukainum tusa. Dutikamu asag Jacob niina uchiji aidaujai shimutaish pataetukchajui.

(2 Samuel) 17:10

Nuniagtai amina suntajum dekas wajiu leónjai betek kajen aidaush nuna antukag maaniachmin dekapjagtatui, wagki Israel aents aidauk ashí dekainawai, amina apak niina aentsji aidaujai wajiu aina nuna.

(2 Reyes) 5:15

Nunik tsagag niina uyunaidau aidaujai ijunag Eliseojai chichastatus weuwai. Nunik jegá Naamán Eliseon chichajak: “¡Dekas yamaik shiig dekaajai, tikich nugkanmak Apajuík atsawai, ima Israel aents aidaunmak pujawai! Nuniau asamtai, wait aneasam ame mina etsaentuju asamin, wi amina inakem asan, waji aidaun amastatag nunú jukita”, tiuwai.

(2 Reyes) 7:6

Sirianmaya aents aidau nuwi batsatu pisajua nunak Tuke Pujuu carro aidaunum, caballo aidaunum, suntag maaniatatus shimuinamu kedegtuwama imatun antuktinme tibau asag nuna antukag, Israel aents aidaun apujimpap hitita aentsu apuji aidaun, egiptunmaya aentsu apuji aidaujai jetekmi tusa minitjamainawa tusag,

(Salmos) 115:16

Nayaimpia auk Tuke Pujuunui, tuja nugka nuna aents aidaun susauwai.

(Números) 20:14

Cadesnum batsamas Moisés aents chichama etsejin aidaun Edoma apuji pujamunum ishimak, juna aatus akatmamtujui: “Amina yatsum Israel aents aidau juna aatus tujamainawai: Amek shiig dekame ii utugchatnum batsatuti jiinja yujag duka.

(Números) 20:24

“Aarógkak jakattawai, nuniktin asa wi Israel aents aidaun nugka anagkuawaitag nuwig wayashtatui, wagki atumek Meribánum yumi awa nuwi wi umikta tibau umikchau ainagme.

(Evangelio según San Mateo) 20:15

¿Mina kuichkignak wi wakegamun dutikmainchaukaitag? ¿Wi pegkeg asan dutikag duiká ame tikich kajejakum tu wekaegam?’, tiuwai.

(Deuteronomio) 32:8

Apajuí aents aidaunak akanag maki makichik chichamtin, nugkentin emak batsasui; tujash atum Israel aents aidautigminak Apajuí makichik nugkanmak ijupag kuitamjamui.

(Carta a los Hebreos) 11:31

Apajuiyai dekaskeapi tabauwai nuwa Rahab daagtin, akiká takatai aajakua duka, tikich aents intimkiu aina nu jinutaish nigka jakachui, Israel dekamatatus yujaunash shiig anentus yajuak kuitamkau asa.

(Josué) 2:11

Nunú dekau asaja, shiig senchi ishamkagtuinaji. Tuja atumjai maaniatjai tumainuk makichkish shiig atsawai. Wagki Tuke Pujuu atumi Apajuíjum atum emematjum nunuwai nayaimpinash, nugkanash ima nigki Apajuíjiya duka.

(Josué) 2:24

Tusa ujainak: “Au nugkanak Tuke Pujuu ashí iinu atinun idaitugmase. Dutikamu asamtai nuwiya aents aidauk iina ishamjamainak sapijai jinime”, tiajui.

(Josué) 2:8

Nunik pataetuk shiyakagmatai, nunú aents dekamatatus yujau eke kanuinatsaig, Rahab wajuka ditan chichajak:

(Josué) 5:1

Israel aents aidau katiagtinme tusa Tuke Pujuu namak Jordágkan ukuyua buku awajsae tabaun amorreo aents aidaun apuji aidau Jordágka amain etsa akaetaiya nuni batsamin aidau dekawajui. Tuja canaágnumia aents aidaun apuji aidau nayants Mediterraneonum batsamin aidaushkam dekawajui. Nunikag senchi ishamkag Israel aents aidaujaig kakaja maaniachmin dekapedau.

(Josué) 6:2

Tujash Tuke Pujuu Josuén chichajak: “Jericó apujin niina suntaji aidaujaí depetuk ijinati tusan amina idaitusjame.

(Jueces) 7:14

Tusa ujaam, niina kumpaji ayaak: “Auk duka tikichkesh aan kajamjachume. Duka Joása uchiji Gedeón suntag Israel aents aidaun apujiya nunú aan kajamjaume. Apajuí senchijin Gedeón iina depetamkatta nunú aan kajamjaume”, tau.