(Josué) 10:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nuna Gabaón aents aidau dekawag ditashkam Josué Guilgal pujaun chichaman akuptuinak aatus tiajui: “Ii atumjai chicham umiaku: ‘atumi inake agmi’, timaiji. Nuniau asamtai atum jutiik ayamkagtumainaitjume. Nuadui amina suntajum aidaujai kaunajum ayamkagtuktajum, wagki amorreo aents aina nuna apuji aidau mujanum batsamin aina duka ashí ijunjaje jetepakagtatus”, tiuwai.

(Josué) 10:6 Iomraidhean Croise

(2 Reyes) 4:24

Tusa timatai ayu tusa niina inaken burronum ekemsa wetin umikta tiuwai. Tusa tima umikmatai nuwa niina chichajak: “Wegajai wamak, ame emkata, tuja wi juwi ayamjami tatsaigkik wajantaipa”, tusa weuwai.

(Isaías) 33:22

Wagki Tuke Pujuuwai iina ayamjutpa duka, tuja ii umiktinnak nii chichaman sukagtawai. Niyai iina apujig, iina uwemtijamin.

(Números) 13:29

Untsu Néguev nugkanum Amalec aents aidau batsaamae. Tuja hitita aents aidau, Jebús aents aidau, amorreo aents aidau mujanum batsaamae. Untsu nayantsanmanini, tuja namak Jordágnum canaágnumia aents aidau batsaamae”, tuidau.

(Evangelio según San Lucas) 1:39

Nunú tsawan wegamunum, María waujus jiinki weuwai, Judea nugka mujajin yaakat aunum,

(Josué) 10:5

Tusa tiajam cinco apu amorreo aents aidaun apuji aidau: Yaakat Jerusalégnumia, Hebrógnumia, Jarmutnumia, Laquishnumia, Eglógnumia aatus ijunag dita suntaji aidaujai Gabaón jetekmi tusag shiyakajui.

(Josué) 10:7

Nuna antuk Josué Guilgal pujau niina suntaji maanitan yacha wajiu aidaun yajuak ijumjauwai.

(Josué) 5:10

Israel aents aidauk Guilgal nugka yaakat Jericónmanini awa nuwi batsamsauwai. Nuwi batsamas mijan nagkamnamu yama nagkamchak nantu taka, tsawan catorcetin Pascua pag levadurajai pachimtsuk inajuamu yutai tsawan asamtai, agkuantai ijunag jiistamaidau.