(Josué) 10:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nuadui Adonisédec yaakat Hebrógka apujin Hohaman, yaakat Jarmutan apujin Piraman, yaakat Laquisha apujin Jafían, yaakat Eglógka apujin Debiran aatus chichaman akuptukui. Dutikawajam chichama etsejin aidau ditan ujainak:

(Josué) 10:3 Iomraidhean Croise

(Génesis) 23:2

Nunik yaakat Quiriat-arbá, Hebrón tuuta awagmatia nuwi Canaán nugkanum pujus jakauwai. Nunikmatai Abraham Saran aneak buutiuwai, nunik kuashat tsawan anentaimak pujusui.

(Génesis) 37:14

Timatai Israel: “Ayu wetá, nunika jegaam yatsumesh wajuk batsatainawak nunú diista, nuniakum uwig aidaushkam diista. Dutikam ditash wajintuk chichainawa nunú minash taam ujatkata”, tiuwai. Tusa, José Hebrógka pakajin pujaun Israel akupkauwai, dutika akupkam Siquem wekama,

(2 Reyes) 18:14

Dutikamtai Judá wegantu aidaun apuji Ezequías, Asirian apuji Senaquerib yaakat Laquishnum pujaun chichaman akuptak aatus tiuwai: “Wi dewakjai, nuniku asan ame jiinbaunum wajupa akigkati tujutpa nunak imatiksanuk akiktajame. ¡Mina nugkajui pujam duka amina suntajum aidaujai jiinkim wetá!” tiuwai. Tusa tima Asirian apuji ayu tusa Ezequíasan nueve mil novecientos kilo platan segauwai, dutikak nuigtushkam novecientos noventa kilo oro akigkata, tiuwai.

(2 Reyes) 18:17

Dutika pujai Asiria nugka apuji yaakat Laquishnum pujus suntaja apujin, tikich niina atuwe kajittsa diitain, tuja tikichin suntaja apujin suntag aidaujai aatus apu Ezequíasan jetektinme tusa Jerusalén ishitkauwai. Dutika ishiakam Jerusalén jegawag, entsa pukuni jiinu Guihón tutai saekitin taimua nuna yantamen yumi piyajunum, aents aidau jáanchin dijajag pegkeg emau aina nuwi anutug batsamsajui.

(Miqueas) 1:13

Atum Laquishnumia aidautigmek, caballo senchi tupikain carro maanitainum jigkajum umintsatajum. Siógnumia aents aidauk Laquishnum pegkegchau takatnak unuimaju ainawai. Tuja nuwi Israel aents aidaushkam Apajuín intimjukiag pegkegchaun takasu ainawai.

(Josué) 10:1

Josué Israel aents aidaujai Jericón tsaikajua dutiksag tikich yaakat Ai tutainashkam tsaikajui. Dutikawagmatai yaakat Gabaógnumia aidauk ishamainak Israel aents aidaujaig maaniachmi tusag chichaman umikaju asag, ditajai ijunag batsatui tabaun Adonisédec Jerusalégkan apuji dekauwai.

(Josué) 10:5

Tusa tiajam cinco apu amorreo aents aidaun apuji aidau: Yaakat Jerusalégnumia, Hebrógnumia, Jarmutnumia, Laquishnumia, Eglógnumia aatus ijunag dita suntaji aidaujai Gabaón jetekmi tusag shiyakajui.