(Josué) 10:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Tuke Pujuu amorreo aents aidaunak Israel aents aidau amuktinme tibau asag amukajua nunú tsawantin Josué niina suntaji aidau emtin Tuke Pujuun segaak aatus tiuwai: “¡Etsayah, Gabaón mamiksam jasa ekemsata! ¡Nantuh, ameshkam nain ségaju Aialón tutaya nunú mamiksam jasa ekemsata!”

(Josué) 10:12 Iomraidhean Croise

(Salmos) 148:3

¡Etsa, nantu aidauwah, Apajuí ememattajum! ¡Yaya aidautigmesh Apajuí ememattajum!

(Salmos) 19:4

ashí nugka nagkatkamunum dita chichainamuk antugainawai. Tuja nayaimpinum etsa ekemsatnunak Apajuí umikui.

(Isaías) 60:20

Witjai Tuke Pujuu atumi Apajuíjinuk. Nuadui etsag makichkish akaikig megkaekashtinai, tuja nantushkam etsanbaujinak kajinkashtinai. Wi ajumaish atumi tsaaptinjum tuke atinaitjai. Nuadui atum wake besemag pujamuk atsugtamiagtinai.

(Amós) 2:9

Israel aents aidauwah, wi atumnak Egipto nugkanum waitu batsatutigmin jiigmaijime, dutika yajuakan wi kuitamsan cuarenta mijan uwegshunum awekasuitjime. Dutikakun atumi shiwaajum amorreo aents aidau shiig senchigtin esajam wajatpakin aidaunak ashí ijinan dita nugken atumin amasuitjime.

(Amós) 8:9

“Nunú tsawantinig etsag etsanjashtinai, tuja etsa tutupit wajas etsantu eketiatak kajinak suwe wajastinai, nunitai ashí nugkanmak suwe wajastinai.

(Habacuc) 2:20

Tujash Tuke Pujuuk niina jee pegkegma nuwi pujawai. ¡Niina emtinig ashí nugkanmaya aents aidauk takamtak pujustinme!” tajai.

(Habacuc) 3:11

Ame chaajip ishamain winchamtin nagkijai betek ekemaka akupkaamin, etsak nantujai uumak megkaekaje.

(Deuteronomio) 4:19

Tuja nayaim diyakjumesh, etsa, nantu, yaya aidau, nuigtu tikich agkajunum etsantin ayá dukesh wakemain diyakjum emematigpa. Wagki nunú aidaunak juju nugkanum tikich aents aidau batsata nunú ememattinme, tusa Tuke Pujuu tiuwai. Tujash ii Israel aents aidautik Tuke Pujuu Apajuí ii emematin ainag ima duke emematiagmi.

(Josué) 10:13

Tusa tima etsa nantujai jasa asauwai, nunikmatai Israel aents aidau dita shiwaajinak ashí depetuk amukajui. Tuja Israel aents aidaush wajuk nunash yujasajamkiyi duka imatiksaik papii Jasher tawa nuwi agagbau aajakui. Tuja etsak akaetsuk makichik tsawan tumain jasa asauwai.

(Jueces) 5:20

Israel aents aidau Sísarajai maaninakug, yaya nayaimpinum ayá nujai ijunjas maaninatai tumainun maaniawagmayi.

(1 Samuel) 12:18

Nuna tusa inagnamuik Samuel Tuke Pujuu segauwai. Dutikamuik Tuke Pujuu ipamtan yumijai ajunjauwai. Dutikamtai ashí aents aidauk Tuke Pujuun Samueljai ishamkajui.

(1 Samuel) 14:31

Tuja Israel aents aidauk nunú tsawantin filisteo aidaunak, yaakat Micmas nagkamas mai mainakua yaakat Aialón ejegawajui. Tujash Israel aents aidauk shiig senchi pimpikiajui.