(Jonás) 4:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Nuniku ai kashikmas etsa jiinai, Apajuí dase sukutnun etsa akaetaiya nuwiyan dasenmitkakui. Nunú shiig senchi sukuam Jonás jamain dekapeak: “Iwaku pujutnak dakitajai, jakatag tajai”, wajau.

(Jonás) 4:8 Iomraidhean Croise

(Génesis) 41:6

Tuja nuna ukujin tikich trigo sieteya imajin nejentin tujash dase umputai asa neje tsejegkush kagaku aidau jiiniajui.

(1 Reyes) 19:4

Untsu niig nigki uwegshunmanini weuwai. Nunik makichik tsawan wea weakua tampuch wajamunum jeganta nuwi ayaumas pujusui. Nuwi pujus jamainun anentaimu asa chichaak: “¡Tuke Pujuuwah, yamai anentaimkun waittsashjai! ¡Dekas jakati tujutta, wagki wika mina muuntug aina nuna nagkaesaukesh atsujai!” tiuwai.

(1 Reyes) 21:4

Tusa tima Acab wake besek wakitkiuwai, wagki Nabot chichaak: Mina apag mina dukugjai ukugtukbaunak amamaitsugme tusa tibau asa. Nunik jegaa yujumkan yutsuk yapin tanishnum anug tepesui.

(Job) 2:10

Tusa tama Job ayaak: “¡Duwajuh, nuwa anentainkachujai betek chichakaipa! Apajuí waji pegkeg aidaun kuashat amaakui juwag dutiksaik, nii pegkegchaun amaakuishkam jumainaitji”, tiuwai. Tuja imanik waitiakush makichkish pegkegchaunak takamsachui, nuigtush pegkegchaunakesh Apajuínak chichagkachui.

(Salmos) 121:6

Tuja tsawaishkam etsag senchi sukupakug waitkagmaschattawai, antsag nantushkam waitkagmaschattawai.

(Isaías) 49:10

Atumek nujantaish tuja kitakaish, etsa sukupainakuish, seekiyaish, makichkish waittsashtin ainagme. Wi atumnak aneau asan uyuntsattajime, tuja nuigtushkam yumi pukuni kuashat jiinaidaun amastinaitjime.

(Oseas) 13:15

Yaja aneasjum chijichi tsupigbau ataktu pegkejan tsapaama numamtuk wajakainjumtaih, nuniakjuminish dase uwegshunmaya dasentak entsa pukuni jiinun buku emama numamtuk wi ijinan emegkagtatjime. Dutika ai atumi shiwaajum aidau wajijum pegkeg akik aidaun yajutjamkagtinai.

(Levítico) 10:3

Nunikagmatai Moisés Aarógkan chichajak: “Juna pachis Tuke Pujuu chichaak: “ ‘Wi pujamunum taidaunak mina pegkegmajun iwaintukagtatjai. Tuja ashí Israel aents aina nunak mina imanjun iwaintukagtatjai’ tujamayi”, tiuwai. Nuna Aarón antuk, chichatsuk wajasui.

(Jonás) 1:17

Tuke Pujuu Jonásnak namak muuntan akuptukui, nunú Jonás nayantsanum iyaittaman kujajui. Dutika kujajam kampatum tsawan, kampatum kashi namaka ampujin pujusui.

(Jonás) 1:4

Tuja lancha juwaki nayantsanum ejapean wegai, pachiachbau Apajuí dasen shiig senchi dasenmitkatai, nayants senchi tsukatu. Imaniau asamtai lanchak tsainkattak wajau.

(Jonás) 4:3

Ame suwimak sutsuk idayam nunú minak shiig awajtatsui. Aaní pujutnaitkumek dekas minak mantuata. Iwaku pujusan ame suwimak suwatsum dutikakmin anentaimku waittan dakitajai”, tiuwai.

(Jonás) 4:9

Imattai Apajuí chichajak: “¿Anú numi jakamtai kajeam dusha pegkejan aniajai tamek?” tau. Tusa tama Jonás ayaak: “Ehe, wika pegkejan aniajai. ¡Senchi kajeakun jajai!” tiuwai.

(Evangelio según San Mateo) 20:12

nunikag chichajuinak: ‘¿Wagka jujú aidau inagnamunum wayawag makichik hora takasagma nuniaish jutiijai betekash akikume, dekas jutii kijin takainaku etsa sukumainakuish katsunja tsawan ashimag nuniajinish?’, tuidau.

(Apocalipsis) 3:19

Wika ashí wi aneamug aidaunak jiyaajai, dutikakun suwimkanash suajai, nunin asamtai pegkegchau idaikum Apajuí umigkata.

(Apocalipsis) 7:16

Dutikamu asag yapajamush atsujiagtinai, kitamamushkam, etsash sukuam achagtinai, seemakugkesh waittsashtin ainawai.

(1 Samuel) 3:18

Tusa tama Samuel Apajuí tibaunak uugtsuk ashí niina ujakui. Tusa ujakam Elí senchi untsumak: “¡Aminak dekas Tuke Pujuu tujamne! ¡Nii tawa nunak imatiksag umikti!” tiuwai.