(Jonás) 4:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Nunik Tuke Pujuun chichajak: “Tuke Pujuuwah, wika juna aneasan tuyajai. Wi mina nugkajui pujusan anentaibiag duka imatiksamek umikume. Amek Apajuí pegkeg, wait anenkagtin, wamak kajechu, anentak wajasuitam iman asam, suwimkan susattajai timesh awake anentaimjam, suwimak sutsuk idainaitam nuna dekau asan, wika amina ukukin Tarsis nugkanum atushat tupikaktajai tibaijai.

(Jonás) 4:2 Iomraidhean Croise

(1 Reyes) 19:4

Untsu niig nigki uwegshunmanini weuwai. Nunik makichik tsawan wea weakua tampuch wajamunum jeganta nuwi ayaumas pujusui. Nuwi pujus jamainun anentaimu asa chichaak: “¡Tuke Pujuuwah, yamai anentaimkun waittsashjai! ¡Dekas jakati tujutta, wagki wika mina muuntug aina nuna nagkaesaukesh atsujai!” tiuwai.

(Salmos) 103:8

Tuke Pujuuk kakagchauch wait anenkagtinai; wamak kajechui, tuja anentak wajasui.

(Salmos) 145:8

Tuke Pujuuk kakagchauch, wait anenkagtin; wamak kajechu anentak wajasui.

(Salmos) 90:13

¡Tuke Pujuuwah, ataktu yaijatkata! ¿Wajupa asamea yaijatkattame? ¡Juju amina inakem aina nunú wait anenjata!

(Éxodo) 32:14

Tusa tima, Tuke Pujuu ditan kajejuk ijinatjai tiuwaitak, anentain yapajia dutikachui.

(Jeremías) 18:8

Untsu nunú aents aidau pegkegchau takatan idayinak mina umigtuinakuig, suwimkan susatasan umigkau akunush suwimkanak sumaitsujai.

(Jeremías) 20:7

Jeremías chichaak: “Tuke Pujuuwah, amek minak pegkeg chichagtukam untsugkabiume, tusa tujutkumin ayu tusan aikmaijame. ¡Amek mina nagkaetasu senchigtinaitme, iman asam wagagtukmayume! “Minak aents aidauk tuké dushiktuinawai.

(Jeremías) 26:13

Suwimak dakitakjumek pujutjum iwajatajum, nunikjum Tuke Pujuu atumin Apajuíjiya nunú umigkatajum. Nuniagminig nii suwimkan amastatjime tujabi nunak amaschattawai.

(Amós) 7:3

Tusa tai Tuke Pujuu chichagtak: “¡Duka nunikchattawai!” tujutmayi.

(Amós) 7:6

Tusa tai Tuke Pujuu ditan wait anentug chichaak: “Juju suwimkashkam uminkashtatui”, timayi.

(Jonás) 1:3

Tusa timaitak Nínive wemainun ukuak, dekas tikich nugkanum Apajuísh waitmainchaunum wetajai tusa, yaakat Jope lancha anumtaijin jegauwai. Nunik jegakma makichik lancha wetatus uminas tepaun wainkauwai. Nunik España nugkanum yaakat Tarsis atushat asamtai, imanui weakun Apajuín uumjuka ukuktajai tusa shiig aneas akikmak egkemjauwai.

(Jonás) 3:10

Tuja ashí aents Nínevenmaya aidau pegkegchau takatan idaisagmatai, Apajuí suwimkan susatjai tiuwaitak, dekas dutikashtatjai tusa idaisauwai.

(Jonás) 3:9

Nunika ajinish Apajuí iina kajegtamak suwimkan amastag tiu akush, wait anenjamag tsagkugtamjamtai jinutsuk iwaku pujuschainjiash”, tiuwai.

(Miqueas) 7:18

“Apajuíjuh, tikich Apajuí amejai betekak atsawai. “Amek amina aentsjum ujumak iwaku batsata nuna pegkegchauji tsagkujakum, intimtaiji aidaush kajimatkim idaime. Amek jutii aidauti anejatu asam, kajekmesh tuke nunismekek pujatsme.

(Evangelio según San Lucas) 10:29

Tujash ni tabaujin shiig juwakta tau asa, Jesusan iniak: —¿Yaita wijai ijutkamush?, tau.

(Deuteronomio) 4:31

niig wait anenkagtina iman asa atumnakek idaitamsashtinai. Ijipatnash ijipashtinai, nuigtushkam nii atumi muunjum aidaujai chichaman umikua nunak kajimatkishtinai, wagki nunak tuké umiktinaitjai tiu asa.