(Jonás) 4:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ ¿Ame numikesh puyatjam nunash, wi ciento veinte milan nagkaesau aents Nínivenmaya aidau shiig dekachu asag uchijai betek yuja nuna, nuigtu kuashat kuntinchakam ayá nuna wait anenjashtag? Nuadui wika wait anentajai”, tiuwai Apajuí.

(Jonás) 4:11 Iomraidhean Croise

(Génesis) 9:10

Nunak ashí kuntin atumjai arcanum chimpiju jiinjau aidau: Chigki wegantu, kuntin tagkumtai aidau, kuntin tagkumchatai aidau, ashí kuntin nugkanmaya aidaujaish umiajai.

(Salmos) 104:14

Apajuí dupanak tsapapitkawai, kuntin nuna yuu aidau yuwatnume tusa, tuja ajak aidaunashkam tsapapitkawai, nunú nejekmatai aents aidau yuwatnume tusa.

(Isaías) 1:18

Tuke Pujuu chichagtamak: “Yamai juju pachisa atumjai chichasmi. Tuja atumi tudaujum numpa kapantua imanaitkuish, wi nunak esakatjan yujagkim pujua iman awajtustatjime; tuja jáanch numpa kapantui egkekbauwa imanaitkuish, wi nunak esakatjan lana pujuama iman awajtustatjime.

(Isaías) 7:16

Tujash nunú uchik eke jintiag anentaimtan juwatsaig, jimag nugka múun amina uwaktamaina nuna tsaikagtinai.

(Jonás) 1:2

“Nínive yaakat múunta nuwi wetá. Nunikam dita chichagkum, atumi pegkegchaujig Apajuíyai ashí wantinkae. Nuadui Apajuí suwimkan susagtatjai tujamui tusam ujakta”, tiuwai.

(Jonás) 3:10

Tuja ashí aents Nínevenmaya aidau pegkegchau takatan idaisagmatai, Apajuí suwimkan susatjai tiuwaitak, dekas dutikashtatjai tusa idaisauwai.

(Jonás) 4:10

Tusa tutai Tuke Pujuu chichajak: “Aanka ame ajachbau, tuja nuigtush ame tsakapagchamu nigki kashi tsapai tsakaja, tikich kashia duwi jaka tsawaja nunú ame puyatjame.

(Evangelio según San Mateo) 18:33

Dutikamu asam ameshkam, amijai takau diwimjama duka wait anenmain awajkaume, wi amina wait anenjamjam dutiksamek’.