(Jonás) 3:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Tuja Níniven apujishkam nuna dekauwai. Nunik niishkam ekemsa inamtaijin eketu wajaki, jáanch apu nugkutai nugkuagbaunak awimak ukuak, jáanch pegkegchaun nugkuja nugká pujusui. Nunak Apajuín eme anentus nunikui.

(Jonás) 3:6 Iomraidhean Croise

(1 Reyes) 21:27

Juna aatus Apajuí tibaun Acab antukui. Nunik puyatuk jáanchjin japiki ichigkui, dutika jáanch pegkegchaun nugkuja, yujumkan ijagma pujau. Nunik pujus makichkish yapagmamtsuk, wake besek wekagu.

(Job) 2:8

Imatika amuamu asa atsanmainchau dekapeak, tsuwat ijumja apetainum jeganta yukunum pujusui. Nuwi pujusa jakachin juki duwi bechmamajakui.

(Job) 42:6

Nuadui wi chichakbaujun anentaimsan datsaajan, awake anentaimjai. Nuniakun pegkegchaunap tija tusa anentaimkun yukunum pujajai”, tiuwai Job.

(Jeremías) 36:13

Nunik Micaías waya, Baruc Apajuí chichame agagbaun ashí aents aidau emtin aujun antukbaujinak imatiksag etsegkauwai.

(Jeremías) 36:24

Nunú chicham Apajuínu agagbaun antuinakush, apuk niina atuwe aidaujaig makichkish ishamkachajui, tuja awake anentaimjagkesh wake besemag dekapenakug jáanchjinak ichigchajui.

(Jeremías) 6:26

Mina aentsug aidauwah, jáanch wake besemag pujaku nugkutai nugkugjum yuku tadaetugtajum, nunikjum makichik uchi pujau jakamtai, wake besemag dekapeaku buutmaina imanikjum buuttajum; wagki iina ijipawagtinuk dukap atsuk kautjamkagtatui”, tibaijai.

(Daniel) 9:3

Nuna ausan, yujumka ijagmaan jáanch pegkegchaun nugkujan, yukunum antumka pujusan mina pataag aidaun pachisan Apajuín aujiajai.

(Miqueas) 1:10

Tujash Gadnumia aents aidauk juju pachisjumek ujakaigpajum, buuttakesh buutigpajum, ayatak wake besemag dekapeamunum Bet-le-afránmaya nugka yukukuntua nuwi tadaejatajum.

(Evangelio según San Mateo) 11:21

“¡Jauchaj Corazigkah aminak wait anentajame! ¡Jauchaj Betsaidah aminash wait anentajame! Tironmash nuigtú Sidogkash aents dutikmainchau atum iwaintukbau ainajum dutikamu ainakug, yaunchkes kuashat anentai idagmak yapajinmain aajakú ainatai.

(Evangelio según San Lucas) 10:13

“¡Corazinkah aminak wait anentajame! ¡Betsaidah aminash wait anentajame! Tironmash nuigtú Sidonkash aents dutikmainchau atum iwaintukbau ainajum dutikamu ainakug, yaunchkes senchi anentai idagmak tudau takatan idaiyinak yapajinmain aajakú ainatai.