(Jonás) 1:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nunittaman lanchanum takau aidaun apuji jegantun chichajak: “¿Kaja wajasuh, amesh juwish waji kanush egkemtame? ¡Nantakim amina Apajuíjum segata! ¡Wait anenjamag yaimpakchaintash!” tau.

(Jonás) 1:6 Iomraidhean Croise

(2 Samuel) 12:22

Tiagtai David ditan ayaak: “Uchi jak tepema nuaduik Apajuí mina wait anenjug etsagagchaintash tusan yujumka yutsuk ijagma pujusan buutmajai.

(Salmos) 107:6

Nunik waituinak Tuke Pujuun yaijatkata tusag segagmayi, nuna nii antujuk, dita waitiamujin yaigka agkanmitkabi.

(Ezequiel) 18:2

“¿Wagka Israel aents aidaush juju chicham agagbaunum chichaak: ‘Múun aidau pegkegchau takamsamunum uchi aidau waituinawai’, tawa nunash kajimatuinatsua?

(Joel) 2:11

Tuke Pujuu niina suntaji aidaujai minak chichamujig ipamtajai betek wajawai, Tuke Pujuu suntajig senchigtin ainawai, Tuke Pujuu tabaun umin aidauk shiig kuashat dekapamainchau ainawai. ¡Tsawan Apajuí minamuk ishamain atatui! ¡Imanun atsaneg pujumainuk makichkish atsawai!

(Amós) 5:15

¡Pegkegchauwa duka dakitjatajum! ¡Pegkeja nunú waketajum! Apu chichama epegkin aidautigmek, shiig betek chicham iwajatasajum anentaimtajum. Nuniagminig Tuke Pujuu, Apajuí ashí senchigtina nunú Israel aents aidau ujumak iwaku batsata nunash wait anenjachajaintash.”

(Jonás) 3:8

Duka puyatjutsuk ashí aents aidautijum wake besemag pujaku nugkutai jáanch pegkegchau aidau nugkuktajum, nunikjum Apajuí senchi untsuktajum. Nuniakjum maki makichkitijum pegkegchau takamtaijum, magkagtutaijum aidaujai idaisatajum.

(Jonás) 3:9

Nunika ajinish Apajuí iina kajegtamak suwimkan amastag tiu akush, wait anenjamag tsagkugtamjamtai jinutsuk iwaku pujuschainjiash”, tiuwai.

(Los Hechos de los Apóstoles) 21:13

Tama Pablo aigmak: —¿Wagka buutkugmesh anentaijuish wake besemjash egketjagme? Wika ayatak jigkagbau atasanuk umintsan wekaetsujai, Apu Jesús takagbaunum chichame etsegbaunum Jerusalén jakatasan wekaejai.

(Carta de San Pablo a los Romanos) 13:11

Nunin asamtai jujú tawa duka umiktajum. Wagki atumek dekagme Cristo jui taatnuji tsawantak namput wajaschae, jutii dekaskeapi tusa Cristo nemagkau aayag duik imá dukap aayi. Tujash yamaik tsawantak tikima shiig jegawai, Apajuí uwemtijamjatna duka. Nuniau asamtai atumshakam kajinkagmek batsamigpajum aneaku batsamsatajum.

(Carta de San Pablo a los Efesios) 5:14

wagki ashí paan wega duka tsaaptin iwainamu asa nuniawai, nuadui: “Ame kanam duka shintagta, aents jinau aidaunum pujaumesh nantaktá, nunikamin Cristo tsaaptin etamtatui”, tawai.